ISILILO
א [Aleph]*
1 Qala indlela iJerusalema ebelizele ngabantu esele litjhabalele ngayo!+
Indlela esele linjengomhlolokazi ngayo, ebelidumile hlangana neentjhaba!+
Qala indlela ebeliyikosazana ngayo hlangana neemfunda, nje selisigqila!+
ב [Beth]
2 Lilila kabuhlungu ebusuku,+ begodu iinyembezi zalo zizele ebusweni.
Akekho namunye weenthandwa zalo ozoliduduza.+
Boke abangani balo balijikele+ babe manabalo.
ג [Gimel]
3 UJuda uye ekudingisweni,+ watlhaga begodu waba sigqila.+
Kufuze ahlale hlangana neentjhaba,+ akafumani indawo yokuphumula.
Boke abamhlunguphazako bafike kuye lokha nakagandelelekileko.
ד [Daleth]
4 Iindlela ezitjhinga eZiyoni ziyalila ngombana akunamuntu oza emnyanyeni.+
Woke amasangwalo aphukile,+ abaphristi balo bayabubula.
Iintombi zalo zisesizini begodu lisebuhlungwini obukhulu.
ה [He]
5 Abaphikisi balo sebamakhosalo, amanabalo awanandaba.+
Ngombana uJehova ulilethele ubuhlungu ngebanga lezono zalo ezinengi.+
Abantwana balo basiwe ekudingisweni baphikisi balo.+
ו [Waw]
6 Boke uburhanyarhanya busukile endodakazini yeZiyoni.+
Amakhosanalo anjengamaqina angafumani amadlelo,
Bakhamba phambi komgijimisabo badiniwe.
ז [Zayin]
7 Emalangenalo wesizi nekutlhogeni kwalo indawo yokuhlala, iJerusalema likhumbule
Zoke izinto eziligugu ebekungezalo emalangeni wakade.+
Lokha abantu balo nabawela esandleni somphikisi begodu linganamsizi,+
Abaphikisi balibona begodu balihleka ngokuwa kwalo.+
ח [Heth]
8 IJerusalema lone khulu.+
Kungebangelo libe yinto enyenyisako.
Boke ebebalihlonipha nje sebaliphatha njengento enyenyisako ngombana babone ubuhlubule balo.+
Liyanghonghoyila+ begodu lifihla ubuso balo ngebanga leenhloni.
ט [Teth]
9 Ukusilaphala kwalo kusezambathweni zalo.
Akhenge licabange ngengomuso lalo.+
Ukuwa kwalo kuyathusa; akunamuntu ongaliduduza.
Maye! Jehova, qala isizi lami ngombana inaba lizikhukhumeza ngobuhlungu bami.+
י [Yod]
10 Umphikisi ubeke izandla zakhe kiwo woke amagugwalo.+
Ngombana libone iintjhaba zingena endawenalo ecwengileko,+
Labo obayale ukuthi bangangeni ebandleni lakho.
כ [Kaph]
11 Boke abantu balo bayabubula; bafuna uburotho.+
Banikele ngezinto zabo eziligugu bona bafumane ukudla bona baphile.
Maye! Jehova, qala! Ubone ukuthi sengibe njengomfazi* ongasizi ngalitho.
ל [Lamed]
12 Noke nina enidlula ngendlela akutjho litho kini lokhu na?
Qalani nibone!
Bukhona ubuhlungu obunjengobuhlungu engazwiswa bona,
UJehova angenze bona ngibuzwe ngelanga letukuthelwakhe evuthako?+
מ [Mem]
13 Uthumele umlilo aphezulu wehlela emathambwenami,+ begodu wawahlula.
Ululele iinyawo zami inede; wangikatelela bona ngibuyele emuva.
Ungenze umma olahliweko.
Ilanga loke ngiyagula.
נ [Nun]
14 Izono zami zibotjhelwe njengejogi, zibotjhelwe ndawonye ngesandla sakhe.
Zibekwe entanyenami begodu ngiphelelwa mamandla.
UJehova unginikele esandleni salabo engingakghoni ukubabalekela.+
ס [Samekh]
15 UJehova uwaphosele ngeqadi woke amadoda anamandla hlangana nami.+
Ubize ihlangano ngokujamelene nami bona iphahlaze amasokanami.+
UJehova ugadangele intombi yakwaJuda phasi njengebutlhodlheleni bewayini.+
ע [Ayin]
16 Ngiyalila ngebanga lezintwezi;+ amehlwami ageleza iinyembezi.
Ngombana nanyana ngubani ongangiduduza namkha ongavuselela ummoyami ukude nami.
Amadodanami alahliwe ngombana inaba lithumbile.
פ [Pe]
17 IZiyoni lilule izandla zalo;+ akunamuntu ongaliduduza.
UJehova ukhuphe umyalo ngokujamelene noJakopo nakiwo woke amanaba amzombileko.+
IJerusalema libe yinto enyenyisako kibo.+
צ [Tsade]
18 UJehova ulungile+ ngombana ngihlubuke emiyalwenakhe.+
Lalelani, noke nina bantu, nibone nobuhlungu bami.
Iintombi namasokanami bathunjiwe.+
ק [Qoph]
19 Ngabiza iinthandwa zami kodwana zingijikele.+
Edorobheni abaphristi bami nabadala bami batjhabalele,
Njengombana bafunana nokudla bona bahlale baphila.+
ש [Resh]
20 Maye! Jehova, qala! Ngombana ngisesizini elikhulu.
Ingaphakathi lami liyadlhabhaza.
Ihliziywami ingijikele ngombana ngihlubuke ngokupheleleko.+
Ngaphandle isabula iyabulala; ngaphakathi kwendlu kunjengokufa.+
ש [Shin]
21 Abantu bezwe ukububula kwami akunamuntu ongiduduzako.
Woke amanabami ezwe ngehlekelelami.
Athabile ngombana nguwe oyilethileko.+
Kodwana uzokuletha ilanga olimemezeleko,+ lokha nabazokuba njengami.+
ת [Taw]
22 Kwanga boke ubumbi babo bungeza phambi kwakho begodu kwanga ungabajezisa kabuhlungu,+
Njengombana ungijezise kabuhlungu ngebanga lazo zoke izono zami.
Ngombana ukububula kwami kunengi nehliziywami iyagula.
א [Aleph]
2 Qala! Indlela uJehova agubuzesa ngayo indodakazi yeZiyoni elifini lelaka lakhe!
Ususe ubuhle baka-Israyeli ezulwini wabuphosela phasi ephasini.+
Akhenge akhumbule isenabelo seenyawo zakhe+ ngelanga lelaka lakhe.
ב [Beth]
2 UJehova uginye zoke iindawo zakaJakopo zokuhlala ngaphandle kwezwelo.
Ngelaka lakhe ugirize iindawo ezivikelekileko zendodakazi yakwaJuda.+
Wehlisele phasi bewasilaphaza umbuso+ namakhosanalo.+
ג [Gimel]
3 Ngelaka lakhe elivuthako uqede woke amandla ka-Israyeli.*
Ususe isandla sakhe sokudla inaba nalifikako,+
Ilaka lakhe belisolo livutha njengomlilo kuJakopo elitjhise koke okumzombileko.+
ד [Daleth]
4 Ugobe umsubelakhe njengenaba, isandla sakhe sokudla usijamise njengomphikisi;+
Bekasolo abulala labo abathandako.+
Wathululela ilaka lakhe njengomlilo+ etendeni lendodakazi yeZiyoni.+
ה [He]
5 UJehova ube njengenaba;+
Uginye u-Israyeli.
Uginye yoke imibhotjhongwalo;
Utjhabalalise zoke iindawo zalo ezivikelekileko.
Begodu endodakazini yakwaJuda wenza kube nokuzila nokulila okukhulu.
ו [Waw]
6 Ugirize umthunzakhe,+ njengomtlhatlhana engadini.
Uqede iminyanyakhe.+
UJehova ubangele bona iminyanya nesabatha kulitjalwe eZiyoni,
Begodu elakeni lakhe elivuthako akazweli ikosi nomphristi.+
ז [Zayin]
7 UJehova wale i-aldara lakhe;
Uphayele eqadi indawakhe ecwengileko.+
Unikele amaboda wemibhotjhongwalo avikelekileko esandleni senaba.+
Baphakamise amaphimbwabo endlini kaJehova,+ njengombana benza ngelanga lomnyanya.
ח [Heth]
8 UJehova uzimisele ukutjhabalalisa iboda lendodakazi yeZiyoni.+
Ulule intambo yokulinganisa.+
Akhenge avimbe isandla sakhe ekuletheni ihlekelele.
Ubangele ukuvimbezeleka neboda bona lilile.
Zoke ziqedwe amandla.
ט [Teth]
9 Amasangwalo atjhingele ehlabathini.+
Utjhabalalise bewaphula neensimbi zalo.
Ikosalo namakhosanalo ahlangana neentjhaba.+
Akunamthetho nabaphorofidi balo abafumani mbono kuJehova.+
י [Yod]
10 Abadala bendodakazi yeZiyoni bahlezi phasi bathulile.+
Bazithela ngethuli ehloko begodu bambethe imigodla.+
Iintombi zeJerusalema zikhothamise iinhloko phasi.
כ [Kaph]
11 Amehlwami adiniwe ngebanga lokulila.+
Ingaphakathi* lami liyadlhabhaza.
Isibindi sami sirhuthulelwe phasi, ngebanga lokuwa kwendodakazi* yabantu bami,+
Ngebanga labantwana namasana atsirimezekako ematatawini wedorobho.+
ל [Lamed]
12 Basolo babuza abonina bathi, “Iphi ikoroyi newayini?”+
Njengombana batsirimezeka njengomuntu olimeleko ematatawini wedorobho,
Njengombana ukuphila kwabo kuphelela ezandleni zabommabo.
מ [Mem]
13 Maye! Ndodakazi yeJerusalema, khuyini engingayisebenzisa njengobufakazi,
Namkha into engingakufanisa nayo?
Maye! Ntombi yeZiyoni, ngingakumadanisa nani bona ngikududuze?
Ngombana ukuphuka kwakho kukhulu njengelwandle.+ Ngubani ongakulapha?+
נ [Nun]
14 Imibono ebonwe baphorofidi bakho malungana nawe beyimamala begodu ililize,+
Akhenge baveze umtjhaphwakho, bona ungathunjwa,+
Kodwana bebasolo bakuvezela imibono emamala neememezelo ezidurhisako.+
ס [Samekh]
15 Boke ebebadlula ngendlela bebakuthintithela izandla bese bakuhleka ubudlhadlha.+
Bebakubethela umlozi bararekile+ begodu basikinyele indodakazi yeJerusalema iinhloko zabo bathi,
“Kghani leli lidorobho ebebathi ngalo lihle khulu, ‘Lithabo lephasi loke’?”+
פ [Pe]
16 Woke amanabakho avule imilomwawo.
Akubethele umlozi begodu aququda amazinywawo athi: “Sikuginyile.+
Leli lilanga ebesililindele!+ Lifikile begodu silibonile!”+
ע [Ayin]
Utjhabalalise ngaphandle kokuba nesirhawu.+
Uvumele bona inaba lakho lithabe ngawe; waphakamisa amandla* wamanabakho.
צ [Tsade]
18 Iinhliziyo zabo ziyalila kuJehova, maye! Boda lendodakazi yeZiyoni.
Kwanga iinyembezi zakho zingageleza njengomlanjana emini nebusuku.
Ungaphumuli, ungaphumuzi amehlwakho.
ק [Qoph]
19 Vuka! Ulile ebusuku, ngesikhathi sabalindi.
Thulula ihliziywakho njengamanzi phambi kwakaJehova.
Phakamisela izandla zakho kuye, ngokuphila kwabantwana bakho,
Abatsirimezeka kiwo woke amakhona wendlela ngebanga lendlala.+
ר [Resh]
20 Maye! Jehova, qala! Ubone naloyo ongiphethe ngelunya.
Kghani abomma kufuze bahlale badla iinzukulwana zabo, abantwana abababelethileko,+
Namkha abaphristi nabaphorofidi basolo babulawa endaweni ecwengileko kaJehova?+
ש [Shin]
21 Abesana namadoda amadala ahlongakele eendleleni.+
Iintombi zami namasokanami awe ngesabula.+
Uwabulele ngelanga letukuthelwakho; uwahlahlele ngaphandle komusa.+
ת [Taw]
22 Njengelanga lomnyanya,+ ubize ukusaba okuvela kiwo woke amahlangothi.
Ngelanga letukuthelo kaJehova, akekho ophunyurhileko namkha osindileko;+
Labo engibabelethileko ngababhebhula, amanabami abatjhabalalisile.+
א [Aleph]
3 Ngimumuntu obone ubuhlungu ngebanga lentonga yelaka lakho.
2 Ungiqothile, wangenza ngakhamba ebumnyameni, ingasi ekukhanyeni.+
3 Kwamambala, ngokubuyelelweko usolo aletha isandla sakhe ngokujamelene nami ilanga loke.+
ב [Beth]
4 Yena uphethe inyamami nesikhumba sami ngelunya;
Uphule amathambami.
5 Ungivimbezele, ungizombeleze ngetjhefu+ ebabako nobudisi.
6 Ungikatelele bona ngihlale eendaweni ezimnyama njengabantu abahlongakala kade.
ג [Gimel]
7 Ungivimbezele bona ngingakghoni ukuphunyurha;
Ungibophe ngamaketani wekhopha abudisi.+
8 Nangililela isizo, akawuphenduli* umthandazwami.+
9 Uvimbezele iindlela zami ngamatje asikiweko;
Wenze iindlela zami kwaba budisi ukukhamba kizo.+
ד [Daleth]
10 Uyangikhukhuthela njengebhere, njengebhubezi elizifihlileko.+
11 Ungikatelele bona ngiphume eendleleni wangirathula ngaba ziinquqwana;*
Wangitjhiya nginganalitho.+
12 Ugobe umsubelakhe, wangenza into afuna ukuyidumuza ngomcibitjholo.
ה [He]
13 Wahlaba iziso zami ngemicibitjholo engemgodlenakhe.
14 Ngibe yinto ehlekisako kibo boke abantu, babhine ngami ilanga loke.
15 Ungizalise ngezinto ezibabako, wangiseza nenghana.+
ו [Waw]
16 Uphula amazinywami ngehlabathi;
Ungenza ngiguqe emlotheni.+
17 Ungidime ukuthula, angisakwazi okuhle.
18 Nje-ke ngithi: “Iphazimulwami itjhabalele, kuhlanganise nethemba lami kuJehova.”
ז [Zayin]
19 Khumbula ubuhlungu bami nokungabi kwami nendawo yokuhlala,+ inghana netjhefu ebabako.+
20 Nakanjani uzokukhumbula begodu uzehlise phezu kwami.+
21 Ngiyakukhumbula lokhu ehliziywenami; kungebangelo ngizokulinda.+
ח [Heth]
22 Kungebanga lethando elithembekileko lakaJehova bona singakaqedwa,+
Ngombana isirhawu sakhe asipheli.+
23 Ube nesirhawu qobe ekuseni;+ ukuthembeka kwakho kukhulu.+
24 “UJehova usisabelo sami,”+ Ngithe, “kungebangelo ngizomlinda.”+
ט [Teth]
25 UJehova muhle kiloyo othembele kuye,+ emuntwini osolo amfuna.+
26 Kuhle ukulindela isindiso kaJehova buthule.+
27 Kuhle ngomuntu bona athwale ijogi ngesikhathi sobutjha bakhe.+
י [Yod]
28 Akahlale ayedwa begodu asolo athulile uZimu nakalibeka phezu kwakhe.+
29 Akafake umlomakhe ethulini;+ kungenzeka kube nethemba.+
30 Akanikele umhlathakhe kiloyo ombethako; akaneliseke loyo omdelelako.
כ [Kaph]
31 Ngombana uJehova angekhe asilahle ngokupheleleko.+
32 Ngitjho nanyana abangele isizi, uzokubuya abe nesirhawu malungana nethando lakhe elithembekileko elikhulu.+
33 Ngombana akusisehliziywenakhe ukubangela amadodana wabantu isizi namkha ubuhlungu.+
ל [Lamed]
34 Ukugadanga zoke iimbotjhwa zephasini,+
35 Ukudima umuntu ubulungiswa ngaphambi koPhezukoke,+
36 Ukukhwabanisela umuntu emlandwinakhe,
UJehova akazivumeli izinto ezinjalo.
מ [Mem]
37 Nje-ke, ngubani ongakhuluma akwenze kwenzeke ngaphandle kokuthi uJehova amyalile?
38 Emlonyeni woPhezukoke,
Izinto ezimbi nezinto ezihle azikhambisani.
39 Kubayini umuntu ophilako kufuze anghonghoyile ngemiphumela yesono sakhe?+
נ [Nun]
40 Asihloleni, sihlolisise neendlela zethu,+ sibuyele kuJehova.+
41 Asiphakamiseleni iinhliziyo nezandla zethu kuZimu wezulwini, sithi:+
42 “Sonile, sahlubuka+ begodu akhenge usilibalele.+
ס [Samekh]
43 Ngelaka lakho usivimbele bona singatjhideli kuwe;+
Usigijimisile bewasibulala ngaphandle kokusizwela.+
44 Usivimbele ngelifu ukuthi singatjhideli kuwe, bona imithandazwethu ingadluli.+
45 Usenze ifucufucu yeenzibi hlangana nabantu.”
פ [Pe]
46 Woke amanabethu akhuluma ngokujamelene nathi.+
47 Ukusaba neenthiyo kube sisabelo sethu,+ ihlekelele nokugandeleleka.+
48 Imilanjana yamanzi igeleza emehlwenami ngebanga lokugandeleleka kwendodakazi yabantu bami.+
ע [Ayin]
51 Amehlwami angilethele isizi ngebanga lawo woke amadodakazi wedorobheni lami.+
צ [Tsade]
52 Ngaphandle kwebanga amanabami angizumile njengenyoni.
53 Bathulise ukuphila kwami emgodini; bebasolo bangiphosa ngamatje.
54 Amanzi ageleza phezu kwehlokwami begodu ngathi: “Kuphelile ngami!”
ק [Qoph]
55 Maye! Jehova, ngabiza igama lakho, ngisekuzikeni komgodi.+
56 Yizwa iphimbo lami; ungavali indlebakho bona uzwe isililo sami sokubawa ukutjhatjhululwa.
57 Utjhidele hlanu kwami ngelanga engakubiza ngalo. Wathi: “Ungesabi.”
ר [Resh]
58 Maye! Jehova, ungivikele ekambwenami, uhlenge ukuphila kwami.+
59 Maye! Jehova ububonile ubumbi obenziwe kimi; ngibawa unginikele ubulungiswa.+
60 Ukubone koke ukuzibuyiselela kwabo, nawo woke amanwabo ngokujamelene nami.
ש [Sin] namkha [Shin]
61 Maye! Jehova, ukuzwe koke ukudelela kwabo, woke amaqhingabo ngokujamelene nami,+
62 Iindebe zabaphikisi bami nokungihleba kwabo ilanga loke.
63 Baqale; bahlezi namkha bajamile, bahlekisa ngami eengomeni zabo!
ת [Taw]
64 Maye! Jehova, uzobabuyiselela ngokwezenzo zabo.
65 Uzobenza baqinise iinhloko njengombana ubaqalekisa.
66 Uzobagijimisa ngelaka lakho, ubarhayile ngaphasi kwezulu lakaJehova.
א [Aleph]
4 Qala! Indlela igolide elimenyezelako esele lifiphele ngayo, igolide lezinga eliphezulu!+
Qala! Indlela amatje acwengileko+ arhatjheke ngayo emakhoneni wazo zoke iindlela!+
ב [Beth]
2 Nakumadodana aligugu weZiyoni, bekalinganiswa negolide elihlungiweko,
Qala! Indlela aqalwe ngayo njengezitja zebumba,
Umsebenzi wezandla zombumbi!
ג [Gimel]
3 Ngitjho neempungutjha ziyehlisa kobana zimunyise imidlwanazo,
Kodwana indodakazi yabantu bami seyibe nelunya,+ njengeenciliba zemmangweni.+
ד [Daleth]
4 Ilimu lesana elimunyako linamathela elwangeni lalo ngebanga lokoma.
Abantwana babawa uburotho,+ kodwana akunamuntu obaphako.+
ה [He]
5 Labo ebebajayele ukudla iimbiliboco bagelagela eendleleni babulawa yindlala.+
Labo abakhuliswe bambatha izambatho ezibizako*+ sebazibhudabhuda emlotheni.
ו [Waw]
6 Isijeziso sendodakazi yabantu bami sikhulu kunesijeziso sesono seSodoma,+
Elagirizwa ngesikhatjhana, kunganasandla esilisizako.+
ז [Zayin]
7 AmaNaziralo+ bewacwengeke ukudlula igabhogo, bewamhlophe ukudlula ibisi.
Bewabomvana khulu njengamakhorali; bewaphazima njengesafiri.
ח [Heth]
8 Sebanzima ukudlula umsizi,
Abasaziwa eendleleni.
Isikhumba sabo sitjhwabene phezu kwamathambwabo;+ sibe njengekhuni elomileko.
ט [Teth]
9 Labo ababulewe ngesabula bangcono khulu kunalabo ababulewe yindlala,+
Labo abaphelelwe mamandla, abahlatjiweko ngebanga lokutlhoga ukudla emasimini.
י [Yod]
10 Izandla zabomma abanezwelo zibilise abantwababo.+
Babe kukudla kwabo ngesikhathi sesizi hlangana nokugandeleleka kwendodakazi yabantu bami.+
כ [Kaph]
11 UJehova utjengise ilaka lakhe;
Uthulule itukuthelwakhe evuthako.+
Begodu uthoma umlilo eZiyoni orhiribidela iinsekelo zayo.+
ל [Lamed]
12 Amakhosi wephasini nazo zoke izakhamuzi zenarheni akhenge zikholwe
Ukuthi umphikisi nenaba bazokungena emasangweni weJerusalema.+
מ [Mem]
13 Kungebanga lezono zabaphorofidi bayo, imitjhapho yabaphristi bayo,+
Abaphalaza iingazi zabalungileko hlangana nayo.+
נ [Nun]
14 Bakhambakhamba baphophele eendleleni.+
Basilaphazwe ziingazi,+
Bona kungabi khona othinta izambatho zabo.
ס [Samekh]
15 “Khambani! Anikahlwengeki!” batjho njalo kibo. “Khambani! Khambani! Ningasithinti!”
Ngombana abasenandawo yokuhlala.
Abantu bathe hlangana neentjhaba: “Angekhe bahlala la nathi.”+
פ [Pe]
16 Ubuso bakaJehova bubahlakazile;+
Angekhe asabamukela.
Abantu angekhe bahloniphe abaphristi,+ angekhe basekele abadala.”+
ע [Ayin]
17 Ngitjho nanje amehlwethu adiniwe ngokusolo alilela isizo.+
Siqale ngapha nangapha sifuna isizo esitjhabeni esingekhe sasisindisa.+
צ [Tsade]
18 Bebasolo basifuna yoke indawo+ bona singakghoni ukukhamba ematatawinethu.
Isiphelo sethu sitjhidele; amalangethu aphelile, ngombana isiphelo sethu sifikile.
ק [Tsade]
19 Abasigijimisako bamsinyana khulu kunamakhozi womkayi.+
Basigijimisa eentabeni; basikhukhuthela emmangweni.
ר [Resh]
20 Ummoya esiwukhupha ngepumulo, ozesiweko kaJehova,+ uthunjiwe emgodinabo omkhulu,+
Loyo esithe ngaye: “Sizokuphila hlangana neentjhaba emthunzinakhe.”
ש [Sin]
21 Thaba begodu ujekezele, Maye! Ndodakazi yakwa-Edomi,+ njengombana uphila enarheni ye-Uzi.
Kodwana nakuwe ikapho izokudluliswa,+ uzokudakwa begodu wembule ubuhlubule bakho.+
ת [Taw]
22 Maye! Ndodakazi yeZiyoni, isijeziso somtjhaphwako, sesifike ekugcineni.
Angekhe akuse ekudingisweni godu.+
Kodwana yena uzokutjheja umtjhaphwakho, maye! Ndodakazi yakwa-Edomu.
Uzokwembula izono zakho.+
5 Maye! Jehova, khumbula okwenzeke kithi.
Qala! Ubone ihlazo lethu.+
2 Ilifa lethu linikelwe abantu abangaziwako, izindlu zethu zinikelwe abantu abavela kwenye inarha.+
3 Sibe ziintandani ezinganabobaba; abomma bethu banjengabahlolokazi.+
4 Kufuze sibhadele bona sisele amanzethu,+ iinkuni zethu sizithenga ngemali.
5 Abasigijimisako basihlezi entanyeni;
Sidiniwe kodwana asikufumani ukuphumula.+
6 Sikhongozele eGibhide+ ne-Asiriya+ bona sifumane uburotho obaneleko bokudla.
7 Abokhokho bethu abonileko abasekho kodwana kufuze sithwale imitjhaphwabo.
8 Iinsebenzi nje seziyasibusa; akunamuntu ongasikhupha ezandleni zazo.
9 Sifaka ukuphila kwethu engozini bona sifumane uburotho,+ ngebanga lesabula esemmangweni.
10 Isikhumba sethu sibe njengomlilo otjhisako, ngebanga leenhlungu zendlala.+
11 Abafazi beZiyoni bahlazisiwe,* iintombi zemadorobheni wakwaJuda.+
12 Amakhosana bekalengiswa ngezandla zawo+ begodu abadala bebangahlonitjhwa.+
13 Amasokana athwele ilitje lokusila begodu abesana bayawa ngebanga lenyanda yeenkuni.
14 Abadala bakhambile esangweni ledorobho;+ amasokana awasawudlali umbhinwawo.+
15 Ithabo lisukile eenhliziyweni zethu; ukujida kwethu kuphenduke ukulila.+
16 Isihlohlo siwile eenhlokweni zethu. Maye! Kithi ngombana sonile.
17 Ngebanga lalokhu ihliziywethu iyagula,+
Begodu ngebanga lezintwezi amehlwethu afiphele,+
18 Ngebanga leNtaba yeZiyoni esele imarubhi;+ iimpungutjha zikhambakhamba lapho.
19 Kodwana wena, maye! Jehova, uhlala esihlalweni sobukhosi ngokungapheliko.
Isihlalo sakho sobukhosi ngeseenzukulwana ngeenzukulwana.+
20 Kubayini usilibele ngokungapheliko begodu kubayini usilahle isikhathi eside kangaka?+
21 Maye! Jehova, sibuyisela kuwe begodu sizokulungela ukubuya kuwe.+
Vuselela amalangethu abe njengamalanga wakade.+
22 Nanyana kunjalo, usilahle ngokupheleleko.
Uhlala usikwatele khulu.+
Izahluko 1-4 sililo esitlolwe ngamaledere wesiHebheru namkha etloleke sabukondlo.
Isenzasamuntu siqalisele eJerusalema.
NgesiHebheru, “zoke iimpondo zaka-Israyeli.”
NgesiHebheru, “amathumbami.”
Isenzasamuntu sekondlo, mhlamunye esitjengisa izwelo namkha ukurhawukela.
NgesiHebheru, “iphondo.”
Namkha “uvimba.”
Namkha kungenzeka “ungenze into engasililitho.”
NgesiHebheru, “itjhila elibomvu.”
Namkha “bagagadlhelwe.”