HOSIYA
1 Ilizwi lakaJehova elafika kuHosiya,* indodana kaBheri, emihleni ka-Uziya,+ uJothamu,+ u-Arhazi+ noHezekiya+ amakhosi wakwaJuda+ nemihleni kaJerobhowamu,+ indodana kaJowatjhi,+ ikosi yakwa-Israyeli. 2 UJehova nakathoma ukukhuluma ilizwi lakhe ngoHosiya, uJehova wathi kuHosiya: “Khamba uyokutjhada nomfazi oyingwadla begodu ube nabantwana bobungwadla ngombana ngobungwadla, inarha ifulathele uJehova.”+
3 Yeke wakhamba, watjhada noGomere indodakazi kaDibilayimu, waba sidisi wambelethela nendodana.
4 Nje-ke uJehova wathi kuye: “Ithiye ngokuthi nguJizriyela,* ngombana kungasikade ngizokwenza indlu kaJehu+ iziphendulele ngebanga lezenzo zokuphalaka kweengazi eJizriyela begodu ngizokuqeda ubukhosi bendlu ka-Israyeli.+ 5 Ngelangelo ngizokuphula umsubela ka-Israyeli eMrhobeni weJizriyela.”
6 UGomere waba sidisi godu, wabeletha indodakazi. UZimu wathi kuHosiya: “Ithiye ngokuthi nguLo-Rurhama,* ngombana angekhe ngisayirhawukela+ indlu ka-Israyeli, ngizoyiqotha nakanjani.+ 7 Kodwana ngizokurhawukela indlu kaJuda,+ begodu mina Jehova Zimabo+ ngizobasindisa; angekhe ngibasindise ngomsubela namkha ngesabula namkha ngepi namkha ngeenjomani namkha ngabakhweli beenjomani.”+
8 Ngemva kokulumula uLo-Rurhama, waba sidisi godu, wabeletha indodana. 9 Nje-ke uZimu wathi: “Ithiye ngokuthi nguLo-Ami,* ngombana anisibabantu bami begodu nami angekhe ngibe ngowenu.
10 “Isibalo sabantu* bakwa-Israyeli sizokuba njengehlabathi yelwandle, engekhe yalinganiswa namkha yabalwa.+ Godu endaweni okwathiwa kibo, ‘Anisibabantu bami,’+ kuzokuthiwa kibo, ‘Nimadodana kaZimu ophilako.’+ 11 Abantu bakwaJuda nabakwa-Israyeli bazokubuthelelwa babe munye,+ bazozikhethela umdosiphambili munye begodu bazokukhuphuka baphume enarheni ngombana kuzokuba lilanga eliqakathekileko eJizriyela.+
2 “Yenithi kubafowenu, ‘Bantu bami!’*+
Kubodadwenu, ‘Maye mfazi orhawukelweko!’*+
2 Mangalelani unyoko; mmangaleleni,
Ngombana akasimkami,+ nami angisiyindodakhe.
Kufuze asuse ubungwadla bakhe kuye
Nobufebe* bakhe hlangana namabelakhe,
3 Nakungasinjalo, ngizomhlubulisa abe bulanzi, ngimenze abe njengamhlazana abelethwako,
Ngimenze abe njengommango,
Ngimenze abe njengenarha enganamanzi,
Ngimbangele bona abulawe kukoma.
4 Angekhe ngiwarhawukele amadodanakhe,
Ngombana madodana wobungwadla.
5 Ngombana unina ungwadlile.+
Yena owazithwala wona uziphethe ngendlela ehlazisako+ ngombana uthe,
‘Ngizokulandela iinthandwa zami,+
Labo abanginikela uburotho bami namanzami,
Iwulwami nelinenami, amafuthami nesiselo sami.’
6 Nje-ke ngizokuvala indlelakho ngomthangala wameva;
Ngizokwakha iboda lamatje elizomsitha,
Ukuze angaboni iindlela zakhe.
7 Uzokugijima ngemva kweenthandwa zakhe kodwana angekhe azifumane+
Uzozifuna kodwana angekhe azifumane.
8 Akhenge alemuke bona ngimi owamnikela ikoroyi,+ iwayini elitjha namafutha,
Ngimi owamnikela isiliva elinengi
Negolide, ebebalisebenzisela uBhali.+
9 ‘Nje-ke ngizokubuyela, ngithathe nekoroyami ngesikhathi sayo
Newayini lami elitjha ngesikhathi salo,+
Ngizokuhluthula iwulami nelinenami ebezizokuvala ubulanzi bakhe.
10 Ngizokwambula izitho zakhe zangaphasi phambi kweenthandwa zakhe,
Akunamuntu ozomsindisa esandleni sami.+
11 Ngizoliqeda loke ithabo lakhe,
Iminyanyakhe,+ iminyanyakhe yokuthwasa kwenyanga, amasabathakhe, nazo zoke iinkhathi zakhe zeminyanya.
12 Ngizokona imithakhe yamadiribe nemithakhe yamafeyi, athi ngayo:
“Le mirholwami, engiyibhadelwe ziinthandwa zami”;
Ngizoyiphendula ibe lihlathi,
Neembandana zizoyirhiribidela.
13 Ngizomenza aziphendulele ngebanga lamalanga ebekenzela ngawo iinthombe zakaBhali imihlatjelo,+
Nakazihlobisa ngeendzilamnwana zakhe nangemikghabiso begodu agijima ngemva kweenthandwa zakhe,
Kodwana mina wangikhohlwa,’+ kutjho uJehova.
14 ‘Yeke ngizomrabhela,
Ngizomusa emmangweni,
Ngizokukhuluma naye bona ngithumbe ihliziywakhe.
15 Ngizombuyisela isimakhe yamadiribe, kusukela mhlokho kuye phambili,+
NomRhoba we-Akori+ bona ube lisango eliya ethembeni;
Uzokuphendula lapho njengemalangeni wobutjha bakhe,
Njengamhlazana aphuma enarheni yeGibhide.+
16 Ngelangelo,’ kutjho uJehova,
‘Uzongibiza ngokuthi Ndodami, angekhe usangibiza ngokuthi Mphathami.’*
18 Ngelangelo ngizobenzela isivumelwano neembandana,+
Neenyoni zomkayi nezinto ezirhurhuba ehlabathini;+
Ngizokususa umsubela, isabula nepi enarheni,+
19 Ngizokuthatha uhlale mkami;
Ngizokuthatha ube mkami ngokulunga nangobulungiswa,
20 Ngizokuthatha ube mkami ngokuthembeka,
Ngokuqinisekileko uzomazi uJehova.’+
21 ‘Ngelangelo ngizokuphendula,’ kutjho uJehova,
‘Ngizokuphendula izulu,
Lona lizokuphendula iphasi,+
22 Iphasi lona lizokuphendula ikoroyi, iwayini elitjha namafutha;
23 Ngizozitjalela yena njengembewu ephasini,+
Ngizomrhawukela ongakhange arhawukelwe;*
Ngizokuthi kilabo abangasibabantu bami:* “Nibabantu bami,”+
Bona-ke bazokuthi: “UnguZimethu.”’”+
3 Ngemva kwalokho, uJehova wathi kimi: “Buyela uyokuthanda umfazi othandwa ngenye indoda nofebako+ njengombana noJehova athanda abantu bakwa-Israyeli+ khisibe baya kwabanye abozimu+ begodu bathanda amakhekhe wamadiribe omisiweko.”*
2 Yeke ngazithengela yena ngeempaparwana zesiliva ezili-15 nesilinganiso sebhali esilihomere* nesiquntu. 3 Ngathi kuye: “Uzokuhlala ungowami amalanga amanengi. Ungangwadli begodu ungayi emabhayini nenye indoda, nami angekhe ngiye emabhayini nawe.”
4 Kungombana abantu bakwa-Israyeli bazokuhlala isikhathi* eside banganakosi,+ banganakosana, banganamhlatjelo, banganasika begodu bangana-efodi+ neenthombe zamatherafimi.*+ 5 Ngemva kwalokho, abantu bakwa-Israyeli bazokubuya, bafune uJehova uZimabo+ noDavida ikosabo,+ bazokuza bathuthumela kuJehova nebuhleni bakhe engcenyeni yokugcina yamalanga.+
4 Lalelani ilizwi lakaJehova, nina bantu bakwa-Israyeli,
Ngombana uJehova uzibeka umlandu izakhamuzi zenarha le,+
Ngombana akunaqiniso namkha ithando* namkha ilwazi ngoZimu enarheni le.+
2 Iimfungo zamala, ukuleya amala,+ ukubulala,+
Ukweba nobufebe+ sekwandile,
Isenzo sinye sokuphalaka kweengazi silandelwa ngesinye isenzo sokuphalaka kweengazi.+
3 Kungebangelo-ke inarha le izokulila+
Boke abahlala kiyo bazokuba mitherethere;
Iimbandana neenyoni zomkayi,
Ngitjho neenhlambi zelwandle, zizokutjhabalala.
4 “Nanyana kunjalo, akungabi nomuntu ophikisako namkha osolako,+
Ngombana abantu bakho banjengalabo abaphikisana nomphristi.+
5 Nje-ke uzokuwa emini libalele,
Nomphorofidi uzokuwa nawe, ngasuthi kusebusuku.
Ngizokutjhabalalisa nonyoko.
6 Abantu bami bazokutjhatjalaliswa, ngebanga lokungangazi.
Ngombana wale ukungazi,+
Nami ngizokwala bona ube mphristami;
Ngombana ukhohlwe umyalo* kaZimakho,+
Nami ngizowakhohlwa amadodanakho.
7 Nabandako nokona kwabo kuyanda.+
Ngizokutjhugulula iphazimulwabo ibe lihlazo.*
8 Badla ngesono sabantu bami,
Bafuna abantu ukuthi bone khulu badle imihlatjelo elethwa babantu bami.
9 Okuzokwenzeka ebantwini kuzokufana nokuzokwenzeka ebaphristini;
Ngizobenza baziphendulele eendleleni zabo,
Ngizobalethela imiphumela yezenzo zabo.+
10 Bazokudla kodwana angekhe baneliseke.+
Bazokungwadla kodwana angekhe bande+
Ngombana akhenge balalele uJehova.
11 Ubungwadla, iwayini newayini elitjha
Zisusa ihloso yokwenza okulungileko.+
12 Abantu bami babuza eenthombeni zekhuni,
Benza lokho intongabo* ebatjela khona;
Ngombana ummoya wobungwadla ubabangela bona baphambuke,
Ngobungwadla babo abafuni ukuzithoba kuZimabo.
13 Eenqongolweni zeentaba benza imihlatjelo,+
Nemibundwini bathunyisa imihlatjelo,
Ngaphasi kwemithi ye-owuku nemithi yestoreksi nangaphasi kwayo yoke imithi emkhulu,+
Ngombana imithunzayo imnandi.
Kungebangelo-ke amadodakazakho enza ubungwadla
Nabomalukazana bakho benza ubufebe.*
14 Angekhe ngiwajezise amadodakazakho ngebanga lobungwadla bawo,
Nabomalukazana bakho ngebanga lobufebe* babo.
Ngombana amadoda andinda neengwandla
Enza nemihlatjelo neengwadla zethempelini;
Abantu abangazwisisikwaba+ bazokutjhatjalaliswa.
16 Ngombana njengekomo enekani, u-Israyeli sekanekani.+
Kghani uJehova nje uzobelusa njengeramu elincani edlelweni elivulekileko?
17 U-Efrayimu ukakarele eenthombeni.+
Mliseni anjalo!
18 Nakuphela utjwala babo,
Bayangwadla.
Nababusi babo bakuthanda khulu ukukhohlakala.+
19 Umoya uzomphuthela* ngamaphikwawo,
Yeke bazokuba neenhloni ngemihlatjelwabo.”
5 “Yizwani lokhu, nina baphristi,+
Tjhejani, ndlu ka-Israyeli,
Lalelani, ndlu yekosi,
Ngombana isahlulelo sibandakanya nani;
Ngombana nisithiyo eMitsipha
Nenede ethabululelwe phezu kweTabori.+
2 Labo abawako bangene batjhingela ekubulaleni,
Ngiyabayelelisa* boke.
3 Ngiyamazi u-Efrayimu,
No-Israyeli akakafihleki kimi.
Kwanje wena Efrayimu ungwadlile;
U-Israyeli uzisilaphazile.+
4 Izenzo zabo azibavumeli babuyele kuZimabo,
Ngombana kunommoya wobungwadla hlangana nabo+
Akhenge balemuke ukuthi mina Jehova, nginguZimabo.
5 Ukuzikhakhazisa kwaka-Israyeli kunikele ubufakazi obumphikisako+
U-Israyeli no-Efrayimu bawile ngebanga lemitjhaphwabo,
NoJuda uwe nabo.+
6 Bakhambe nemihlambabo bayokufuna uJehova,
Kodwana akhenge bamfumane.
Usukile kibo.+
7 Bakhohlise uJehova,+
Ngombana baboyise bamadodana atjhili.
Nje-ke ngenyanga yinye, bazokurhiribidelwa namasimabo.
8 Vuthelani iphondo+ eGibeya, nivuthele ibhorompita eRama!+
Rhuwelelani isililo sepi eBhethe-Aveni,+ dosa phambili, Bhenjamini!
9 Wena Efrayimu, uzokuba yinto ethusako ngelanga lesijeziso.+
Ngikwenze kwaziwa okuzokwenzeka nakanjani hlangana neentjhaba zakwa-Israyeli.
10 Amakhosana wakwaJuda anjengalabo abatjhidisa umkhawulo.+
Ngizokuthululela ilaka lami phezu kwabo njengamanzi.
11 U-Efrayimu ugandelelekile, uphihlizwe ngesahlulelo,
Ngombana bekazimisele ukulandela inaba lakhe.+
12 Benginjengengogwana etjhabalalisako ku-Efrayimu
Nginjengokubola endlini kaJuda.
13 U-Efrayimu nakabona ukugula kwakhe noJuda nakabona isilonda sakhe,
U-Efrayimu waya e-Asiriya+ wathumela iinthunywa ekosini ekulu.
Kodwana akhenge ikghone ukukupholisa,
Akhenge ikghone nokulapha isilonda sakho.
14 Ngizokuba njengebhubezi elincani ku-Efrayimu,
Nanjengebhubezi elinamandla endlini kaJuda.
15 Ngizokukhamba ngibuyele endawenami bekube kulapho baqalana nemiphumela yemilandwabo,
Nabasebudisini, bazongifuna.”+
6 “Yenize, asibuyeleni kuJehova,
Ngombana usihlahlele saba ziinquqwana+ kodwana uzoselapha.
Usibethile kodwana uzosibopha amanceba.
2 Uzosivuselela ngemva kwamalanga amabili.
Ngelanga lesithathu uzosivusa,
Sizokuphila phambi kwakhe.
3 Sizokwazi, sizokufuna ngokusuka ehliziyweni ukwazi uJehova.
Ukuphuma kwakhe kuqiniseke njengethathakusa;
Uzokuza kithi njengezulu elina ngamandla,
Njengezulu letwasahlobo elimanzisa iphasi.”
4 “Ngenzeni ngawe Efrayimu?
Ngenzeni ngawe Juda?
Ngombana ithando* lakho linjengamafu wekuseni,
Linjengombethe onyamalala msinya.
Izahlulelo enahlulelwa ngazo zizokuphazimula njengokukhanya.+
6 Ngombana ngithatjiswa lithando elithembekileko,* ingasi imihlatjelo,
Ngithatjiswa lilwazi ngoZimu kuneminikelo etjhiswako epheleleko.+
7 Kodwana bona sebabantu nje kwaphela, basiphulile isivumelwano.+
Akhenge bathembeke kimi.
9 Isiqhema sabaphristi sinjengamabutho wabadlelezeli akhukhuthela umuntu bona amsahlele.
Siyabulala endleleni eTjhekemu,+
Ngombana ukuziphatha kwabo kuphathisa iinhloni.
10 Ngibone into ethusako endlini ka-Israyeli.
11 Ngaphezu kwalokho uJuda, ubekelwe isivuno,
Nangibuyisa abantu bami abathunjiweko.”+
2 Kodwana abatjho eenhliziyweni zabo ukuthi ngizobukhumbula boke ubumbi babo.+
Nje-ke izenzo zabo zibabhodile;
Ziphambi kobuso bami.
3 Bathabisa ikosi ngobumbi babo,
Namakhosana ngokukhohlisa kwabo.
4 Boke baziimfebe,*
Bavutha njenge-ondo ebaswe mbhagi,
Olisa ukukhwezela umlilo ngemva kokubhica ihlama beyikhukhumale.
5 Ngelanga lekosethu, amakhosana agulile,
Asilingekile ngebanga lewayini.+
Ithabululele isandla sayo kilabo abahleka ubudlhadlha.
6 Ngombana batjhidela ngeenhliziyo ezivutha njenge-ondo.*
Umbhagi ulala ubusuku boke;
Ekuseni i-ondo ivutha njengamalangabi womlilo.
7 Boke batjhisa njenge-ondo,
Barhiribidela ababusi* babo.
8 U-Efrayimu uzihlanganisa neentjhaba.+
U-Efrayimu unjengekhekhe eliyindulungu elitjhiywe lingakaphendulwa.
9 Abantu abangaziwako badle amandlakhe+ kodwana yena akazi ngakho.
Neenhluthu zakhe sezibe mhlophe kodwana akakuboni lokho.
10 Ukuzikhakhazisa kwaka-Israyeli kunikele ubufakazi obumphikisako,+
Kodwana akhenge babuyele kuJehova uZimabo,+
Namkha bamfune naphezu kwakho koke lokhu.
11 U-Efrayimu unjengejuba elisidlhadlha, elinganangqondo.+
Babawe isizo eGibhide,+ baya e-Asiriya.+
12 Nanyana kukuphi lapha baya khona, ngizokuthabululela inedami phezu kwabo.
Ngizobehlisela phasi njengeenyoni zomkayi.
Ngizobajezisa ngokuvumelana nesiyeleliso esanikelwa ihlanganwabo.+
13 Maye! Kibo ngombana bangibalekele,
Bazokutjhatjalaliswa ngombana bonile kimi!
Bengilungele ukubahlenga kodwana bakhulume amanga ngami.+
14 Akhenge babawe isizo kimi ngokusuka ehliziyweni,+
Nanyana bebasolo barhahlawula isililo emibhedenabo.
Bebazisika bona bafumane ikoroyi newayini elitjha;
Bangijikele.
15 Nanyana bengibayala begodu ngiqinisa imikhonwabo,
Balwa nami, bahlela okumbi.
16 Batjhugulule ukuziphatha kwabo kodwana ingasi kokuthileko okungcono;*
Bebangakathembeki njengomsubela ongakaqini.+
Amakhosanabo azokuwa ngesabula ngebanga lelimu labo elidelelako.
Ngombana ngalokhu bazokuba yihlekisa enarheni yeGibhide.”+
8 “Vuthela iphondo!+
Kukhona oza njengekhozi uzokulwa nendlu kaJehova,+
Ngombana baphule isivumelwano+ sami begodu bonile malungana nomthethwami.+
2 Balila kimi bathi, ‘Zimethu, thina Israyeli, siyakwazi!’+
3 U-Israyeli wale okulungileko.+
Akagijinyiswe linaba.
4 Babeke amakhosi kodwana ingasi ngemvumo yami.
Babeke amakhosana kodwana akhenge ngiwazi.
5 Ikonyana lakho laliwe, Samariya.+
Ilaka lami liyavutha malungana nabo.+
Kuzabe kube kunini bangakghoni ukuba msulwa?
6 Ngombana livela ku-Israyeli.
Lenziwe sisebenzi sobukghwari begodu alisinguZimu,
Ikonyana leSamariya lizokuphulwa libe ziinquqwana.
7 Ngombana batjala umoya,
Bazokuvuna isiwuruwuru.+
Alikho ihlanga eliveza ikoroyi evuthiweko,+
Nanyana yini emilako ayivezi iflowuru.
Nakungenzeka ivele, abantu abavela kwenye inarha bazoyirhiribidela.+
8 U-Israyeli uzokurhiribidelwa.+
Bazokuba hlangana neentjhaba,+
Njengesitja esingafunwako.
9 Ngombana bakhuphukele e-Asiriya,+ njengodumbana wommango oyikom’edla yodwa.
U-Efrayimu uqatjhe iinthandwa.+
10 Ngitjho nanyana baziqatjha hlangana neentjhaba,
Ngizokubangela ukubuthelelwa,
Uzokutlhaga+ ngebanga lomthwalo obekwe yikosi namakhosana.
11 Ngombana u-Efrayimu wandise ama-aldara bona one.+
Abe ma-aldarakhe wokona.+
13 Bangenzela imihlatjelo yezipho, badla inyamayo,
Kodwana uJehova akathabi ngabo.+
Nje-ke uzokukhumbula umtjhaphwabo begodu abajezise ngebanga lezono zabo.+
14 U-Israyeli ukhohlwe uMenzakhe+ begodu wakhe amathempeli,+
NoJuda wandise amadorobho avikelekileko.+
Kodwana ngizokuthumela umlilo emadorobhenakhe,
Uzokutjhabalalisa imibhotjhongo yedorobho ngalinye.”+
9 “Ungathabi Israyeli,+
Ungajekezeli njengeentjhaba.
Ngombana uphambukile kuZimakho ngobungwadla.+
Uthande imirholo yengwadla kizo zoke iindawo zokuyela ikoroyi.+
2 Kodwana iselelo nobutlhodlhelo bewayini angekhe kubondle,
Newayini elitjha lizomdanisa.+
3 Angekhe basahlala enarheni kaJehova,+
Kunalokho, u-Efrayimu uzokubuyela eGibhide,
Bazokudla izinto ezisilapheleko e-Asiriya.+
4 Angekhe basenza iminikelo yewayini kuJehova,+
Imihlatjelwabo angekhe imthabise.+
Banjengoburotho bokulila;
Boke ababudlako bazozisilaphaza.
Ngombana uburotho babo ngebabo bodwa,
Angekhe bungene endlini kaJehova.
5 Nizokwenzani ngelanga lomhlangano,
Ngelanga lomnyanya kaJehova?
6 Ngombana kuzokufuze babaleke ngebanga lokutjhatjalaliswa.+
IGibhide izobabuthelela,+ neMemfisi izobangcwaba.+
Izinto zabo zesiliva eziligugu zizokuthathwa likhula,
Kuzokuba nemithi yameva ematendenabo.
Umphorofidabo uzokuba sidlhadlha nomuntu onommoya uzokurhapha;
Ngombana imitjhaphakho iyinala begodu uhloywe khulu.”
8 Umlindi+ ka-Efrayimu bekanoZimami.+
Kodwana nje zoke iindlela zabaphorofidi bakhe+ zinjengesithiyo somthiyi weenyoni,
Kunobutha endlini kaZimakhe.
9 Bangene batjhingela ekutjhatjalalisweni njengemihleni yeGibeya.+
Yena uzowukhumbula umtjhaphwabo, abajezise ngebanga lezono zabo.+
10 “Ngafumana u-Israyeli njengokungathi ngifumana amadiribe emmangweni.+
Ngabona abokhokho bakho njengamafeyi wokuthoma emthini wamafeyi.
Kodwana batjhinge kuBhali wePewori,+
Bazinikele entweni enyenyisako,*+
Yeke nabo babe sinyenyiso njengento abayithandako leyo.
11 Iphazimulo ka-Efrayimu iyambalekela njengenyoni ephaphako;
Akekho obasidisi namkha obelethako.+
12 Ngitjho nanyana bangakhulisa abantwana,
Ngizobathathela bona bekube kulapho kunganandoda eseleko,+
Kwamambala, maye! Kibo mzukwana ngibafulathela.+
13 U-Efrayimu, obekatjalwe emadlelweni, bekafana neTirosi kimi,+
Kodwana nje u-Efrayimu kufuze akhuphe amadodanakhe bona ayokubulawa.”
14 Maye! Jehova, banikele lokho okufuze ubanikele khona,
Isibeletho esizirhululako namabele anganabisi.*
15 “Boke ubumbi babo bebuseGiligali,+ ngombana ngabahloya lapho.
Ngizobaqotha endlinami ngebanga lobumbi ababenzako.+
Angekhe ngisabathanda,+
Woke amakhosanabo aneenhloko eziqinileko.
16 U-Efrayimu uzokudulwa phasi.+
Umrabhwabo uzokoma kere begodu angekhe bathele.
Ngitjho nanyana bangabeletha, ngizobabulala abantwababo ababathandako.”
10 “U-Israyeli sitjalo samadiribe esingatjho litho* kodwana esithelako.+
Isithelo sakhe nasandako, wandisa ama-aldarakhe,+
Inarhakhe nayithelako, iinsika zakhe ezicwengileko ziba zihle ukuya phambili.+
2 Baphenduke amaqili;*
Yeke bazokufunyanwa bamlandu.
Kunothileko ozokugiriza ama-aldarabo aphihlize neensika zabo.
3 Sebazokuthi, ‘Asinakosi+ ngombana akhange simesabe uJehova.
Ikosi beyingasenzelani?’
4 Bakhuluma into enganahloko, bafunga amanga+ begodu benza iimvumelwano,
Yeke isahlulelo sizakuvela njengekhula elinetjhefu elimila emiseleni yesimu.+
5 Izakhamuzi zeSamariya zizokurhidlwa livalo ngebanga lesithombe sekonyana seBhethe-Aveni.+
Abantu baso bazosililela,
Njengombana kuzokwenza abaphristi bakazimu weentjhaba ebebathatjiswa ngiso nedumo laso,
Ngombana sizokuthathwa kibo siyiswe ekudingisweni.
6 Sizokulethwa e-Asiriya sibe sisipho sekosi ekulu.+
U-Efrayimu uzokuphathiswa iinhloni,
U-Israyeli uzokuhlazeka ngebanga leseluleko asilandelako.+
7 ISamariya lizokutjhatjalaliswa nekosalo,+
Njengehlumela eliphukileko elikhamba namanzi.
8 Iindawo eziphakemeko zeBhethe-Aveni,+ ezisisono saka-Israyeli,+ zizokutjhatjalaliswa.+
Kuzokumila ameva nabosotokolo ema-aldarenabo.+
Abantu bazokuthi eentabeni, ‘Sigubuzesani!’
Bathi emibundwini, ‘Girikelani phezu kwethu!’+
9 Maye! Israyeli, wone kusukela emihleni yeGibeya.+
Abantu basolo benza isono esifanako.
Ipi azange iwatjhabalalise amadodana akhohlakeleko eGibeya.
10 Nange ngifuna, ngingabajezisa.
Abantu bazokuhlangana bajamelane nabo,
Bazokubotjhelwa ejogweni nemitjhaphwabo emibili.*
11 U-Efrayimu bekalithokazana elibanduliweko elithanda ukubhula,
Yeke akhange ngimthwese ijogi entanyenakhe ehle.
Kodwana nje ngizokwenza u-Efrayimu alime.*+
UJuda uzokulima; uJakopo uphadlha amagade.
12 Zitjaleleni ukulunga nivune ithando.*
Limani endaweni evundileko+
Kusesenesikhathi sokufuna uJehova,+
Bekube kulapho afika anifundise ngokulunga.+
13 Kodwana nitjale* ubukhohlakali,
Yeke nivune ukungalungi,+
Nidle iinthelo zekohliso;
Ngombana nithembele eendleleni zenu,
Nemabuthwenenu amanengi.
14 Itjhada lepi lizokusahlela abantu bekhenu,
Namadorobhakho avikelekileko azokutjhatjalaliswa,+
Njengalokha uSalamani nakarhayila indlu ka-Aribele,
Ngelanga lepi, ngesikhathi abomma nabantwana baphihlizwa baba ziinquqwana.
15 Maye! Bhetheli,+ ngilokhu okuzokwenziwa kuwe ngebanga lobukhohlakali bakho obukhulu.
Ngamathathakusa ikosi yakwa-Israyeli izokurhayilwa* nakanjani.”+
3 Kodwana ngimi owafundisa u-Efrayimu ukukhamba,+ ngabasingatha;+
Akhenge bakwamukele ukuthi ngimi owabalaphako.
4 Bengisolo ngibadosa ngamarobhu wabantu,* ngeentambo zethando,+
Kibo benginjengaloyo ophakamisa ijogi eentanyeni zabo,
Ngesineke ngondla omunye nomunye wabo.
5 Angekhe babuyele enarheni yeGibhide kodwana i-Asiriya izokuba yikosabo,+
Ngombana akhenge bavume ukubuyela kimi.+
6 Isabula izokuzomba emadorobhenakhe+
Itjhabalalise iinsimbi zamasango wedorobho begodu ibarhiribidele ngebanga lamaqhingabo.+
7 Abantu bami bazimisele ukungathembeki kimi.+
Nanyana babizwa phezulu,* akekho osikimako.
8 Ngingakuhloboka njani Efrayimu?+
Ngingakunikela njani emanabenakho Israyeli?
Ngingakuphatha njani njengo-Adima?
Ngingakwenza njani ufane noTseboyimu?+
Ihliziywami itjhugulukile malungana nawe,
Ngesikhathi esifanako, izwelo lami liyavutha.+
9 Angekhe ngivulele ilaka lami elivuthako.
Angekhe ngisatjhabalalisa u-Efrayimu godu,+
Ngombana nginguZimu, angisimumuntu,
NgingoCwengileko hlangana nani,
Angekhe ngize kini ngobukhali.
10 Bazokukhamba ngemva kwakaJehova begodu uzokubhodla njengebhubezi,+
Nakabhodlako, amadodanakhe azokuza ahlengezela avela etjingalanga.+
11 Bazokuhlengezela njengenyoni nabaphuma eGibhide,
Njengejuba nabaphuma enarheni ye-Asiriya,+
Ngizobahlalisa eendlini zabo,” kutjho uJehova.+
12 “U-Efrayimu ungibhode ngamala,
Indlu ka-Israyeli ingibhode ngekohliso.+
Kodwana uJuda usakhamba noZimu,
Uthembekile koCwengeke Khulu.”+
12 “U-Efrayimu udla umoya.
Ugijimisa umoya wepumalanga ilanga loke.
Wandisa amala nenturhu.
Benza isivumelwano ne-Asiriya+ begodu basa amafutha eGibhide.+
2 UJehova umangalela uJuda,+
Uzokwenza uJakopo aziphendulele ngebanga leendlela zakhe,
Uzombuyisela ngokwezenzo zakhe.+
4 Wasolo alwa nengilozi waphumelela.
Walila, wayirabhela bona imbusise.”+
UZimu wamfumana eBhetheli begodu kulapho akhuluma nathi khona,+
5 UJehova uZimu wamabutho,+
UJehova ligama akhunjulwa ngalo.+
Kikho koke ukufukuza kwami, angekhe bafumane litho elingakalungi namkha elisisono.’
9 Kodwana nginguJehova uZimakho kusukela enarheni yeGibhide.+
Ngizokwenza uhlale ematendeni godu
Njengemihleni yesikhathi esibekiweko.*
11 EGiliyadi kube nekohliso+ namala.
12 UJakopo wabalekela esimini ye-Aramu,*+
U-Israyeli+ waba sisebenzi lapho bona afumane umfazi,+
Walusa izimvu bona afumane umfazi.+
14 U-Efrayimu ubangele ukona okukhulu,+
Umlandwakhe weengazi umnamathele,
IKosakhe izombuyisela ngehlazo alenzileko.”+
13 “U-Efrayimu nakakhulumako, bebahlengezela,
Bekahlonitjhwa kwa-Israyeli.+
Kodwana waba mlandu ngebanga lokulotjha uBhali,+ bewahlongakala.
2 Nje-ke bona ukuya phambili
Benza iinthombe ngesiliva labo,+
Benza iinthombe ngobuthakgha, okumsebenzi wobukghwari.
Bathi ngazo, ‘Woke umuntu owenza umhlatjelo kufuze amange amakonyana.’+
3 Yeke bazokufana namafu wekuseni,
Bazokufana nombethe onyamalala msinyana,
Bazokufana neenhluba eziphetjhulwa siwuruwuru ngeselelweni,
Nanjengentuthu ephuma embotjeni yomfulelo.
4 Kodwana nginguJehova uZimakho kusukela enarheni yeGibhide,+
Akhange kube nomunye uZimu omaziko ngaphandle kwami,
Akekho umsindisi ngaphandle kwami.+
5 Ngakutlhogomela emmangweni,+ enarheni yesomiso.
6 Amadlelwabo abanelisa,+
Baneliseka, iinhliziyo zabo zathoma ukuzikhukhumeza.
Bakhohlwa ngami.+
7 Ngizokuba njengebhubezi elincani kibo,+
Njengengwe ebhace eduze nendlela ilindele ukusahlela.
8 Ngizokuza phezu kwabo njengebhere elilahlekelwe bantwabalo,
Ngizobatlhatlhamula iimfuba.*
Ngizobarhiribidela njengebhubezi,
Isibandana sizobarathula babe ziinquqwana.
9 Maye! Israyeli uzokurhayilwa,
Ngombana ungijikele, ujikele loyo okusizako.
10 Alo, iphi ikosakho bona ikusindise emadorobhenakho woke,+
Nababusi* bakho, othe ngabo,
‘Nginikela ikosi namakhosana’?+
12 Umtjhapho ka-Efrayimu ubulungiwe,
Isono sakhe sibekwe endaweni ethileko.
13 Uzokufikelwa ziinhlungu zokubeletha.
Kodwana mntwana osidlhadlha,
Nakufika isikhathi sokuthi abelethwe, akafuni ukuphuma.
KuFa ndina, kuphi ukutinya kwakho?+
Thuna ndina, kuphi ukutjhabalalisa kwakho?+
Amehlwami angekhe azwele.
15 Ngitjho nanyana angatlhurha hlangana nemihlanga,
Kuzokuvela umoya epumalanga, umoya kaJehova,
Uzokuvela emmangweni womise imithombakhe.
Umnothwabo wezinto zoke eziligugu uzokuthunjwa.+
16 ISamariya lizokuthweswa umlandu+ ngombana livukele uZimalo.+
Bazokuwa ngesabula,+
Abantwababo bazokuhlahlelwa babe ziinquqwana,
Abafazi babo abazithweleko bazokutlhatlhamulwa.”
14 “Buyela kuJehova uZimakho, Israyeli,+
Ngombana umtjhaphwakho ukuwisile.
2 Buyela kuJehova ngamezwi la,
Uthi kuye, ‘Kwanga ungalibalela imitjhaphwethu+ bese wamukele okuhle,
Sizokunikela ukudumisa kwemilomethu+ njengombana senza ngeenkunzana.
3 I-Asiriya angekhe isisindise.+
Angekhe sikhwele iinjomani,+
Angekhe sisathi emsebenzini wezandla zethu, “Zimethu!”
Ngombana ngawe umntwana onganayise uyarhawukelwa.’+
4 Ngizokulapha ukungathembeki kwabo.+
5 Ngizokuba njengombethe ku-Israyeli,
Uzokutlhurha njengethuthumbo lemmangweni
Ngizokwehlisa imirabhwakhe njengemithi yeLibhanoni.
6 Iinhlumela zakhe zizokurhatjheka,
Ukukhazimula kwakhe kuzokuba njengokomuthi we-oliva,
Iphunga lakhe lizokuba mnandi njengeleLibhanoni.
7 Godu bazokuhlala emthunzinakhe.
Bazokutjala ikoroyi begodu bazokutlhurha njengesidiribe.+
Idumo lakhe lizokuba njengelewayini leLibhanoni.
8 U-Efrayimu uzokuthi, ‘Ngizabe ngisenzani ngeenthombe?’+
Ngizokuphendula begodu ngimtlhogomele.+
Ngizokuba njengomuthi womjunipha ohlala uhlaza.
Kimi kuzokufumaneka iinthelo zakho.”
9 Ngubani ohlakaniphileko? Akazwisise izintwezi.
Ngubani onelemuko? Akabe nelwazi lazo.
Ngombana iindlela zakaJehova zilungile,+
Olungileko uzokukhamba ngazo,
Kodwana izeqamthetho zizokuwa kizo.
Sirhunyezo segama elithi Hosaya, elitjho ukuthi “Sindiswe nguJah; uJah uSindisile.”
Kutjho ukuthi “UZimu uzokuTjala imBewu.”
Kutjho ukuthi “OngakaRhawukelwa.”
Kutjho ukuthi “AbasibaBantu Bami.”
NgesiHebheru, “samadodana.”
Qala umtlolo waphasi kuHos 1:9.
Qala umtlolo waphasi kuHos 1:6.
NgesiHebheru, kusetjenziswe ibizo eliqalisela emuntwini otjhadileko oya emabhayini nomuntu angakatjhadi naye.
Namkha “Bhali wami.”
Namkha “bahlale baphila.”
Namkha “Ngethando elithembekileko.”
Kutjho ukuthi “UZimu uzokuTjala imBewu.”
Qala umtlolo waphasi kuHos 1:6.
Qala umtlolo waphasi kuHos 1:9.
Kutjho lawo asetjenziswa ekulotjheni kwamala.
Ihomere linye belilingana namalitha ama-220. Qala Isith. B14.
NgesiHebheru, “amalanga amanengi.”
Namkha “abozimu bangendlini.”
Namkha “ithando elithembekileko.”
Namkha “isinqophiso.”
Namkha kungenzeka “Batjhugulule iphazimulwami yaba lihlazo.”
Namkha “intonga yababhuli.”
NgesiHebheru, kusetjenziswe ibizo eliqalisela emuntwini otjhadileko oya emabhayini nomuntu angakatjhadi naye.
NgesiHebheru, kusetjenziswe ibizo eliqalisela emuntwini otjhadileko oya emabhayini nomuntu angakatjhadi naye.
Namkha “uzomthanyela.”
Namkha “Ngizobakhalima.”
NgesiHebheru, “ubuso bami.”
Namkha “ithando elithembekileko.”
Namkha “sirhawu.”
NgesiHebheru, kusetjenziswe ibizo eliqalisela emuntwini otjhadileko oya emabhayini nomuntu angakatjhadi naye.
Namkha kungenzeka “Ngombana iinhliziyo zabo zinjenge-ondo njengombana batjhidela ngamaqhingabo.”
NgesiHebheru, “abahluleli.”
Kutjho umhlobo wokulotjha osezingeni eliphasi.
Namkha “ngesinqophiso sami.”
Namkha kungenzeka “Bazokubuyela.”
Namkha “kuzimu onyenyisako.”
Namkha “atjhwabeneko.”
Namkha kungenzeka “esirhatjhekako.”
Namkha “Iinhliziyo zabo zinobuzenzisi.”
Kutjho nabathwala isijeziso sabo njengejogi.
Namkha “ngizokwenza othileko amthwese ijogi.”
Namkha “ithando elithembekileko.”
NgesiHebheru, “nilime.”
NgesiHebheru, “izokuthuliswa.”
Kutjho abaphorofidi nabanye ebebathunyelwe bona bafundise u-Israyeli.
Namkha “amarobhu womusa,” ngasuthi yintambo esetjenziswa mbelethi bona afundise umntwanakhe ukukhamba.
Kutjho umhlobo wokulotjha osezingeni eliphezulu.
Namkha “ninethando elithembekileko.”
Namkha “umrhwebi.”
Namkha kungenzeka “yomnyanya.”
Namkha “yeSiriya.”
NgesiHebheru, “ingaphakathi leenhliziyo zabo.”
NgesiHebheru, “Nabahluleli.”
Namkha “weTjhiyoli.” Qala Ihlathululo.
Namkha “Ngizobathanda ngokuzithandela.”