INCWADI YESIBILI KAJWANISI

1 Mina ndoda edala* ngitlolela wena mfazi okhethiweko nabantwana bakho. Ngikuthanda kwamambala. Awuthandwa ngimi kwaphela kodwana nangibo boke esebazi iqiniso 2 ngebanga leqiniso elihlezi kithi begodu elizokuba nathi ngokungapheliko. 3 Kithi kuzokuba nomusa omkhulu, isirhawu nokuthula okuvela kuZimu uBaba nakuJesu Krestu, iNdodana kaBaba ngeqiniso nangethando.

4 Ngithaba khulu ngombana ngifumene abanye babantwana bakho bakhamba eqinisweni+ njengombana sifumene umyalo ovela kuBaba. 5 Nje-ke ngiyakubawa wena mfazi okhethiweko bona sithandane. (Angikutloleli umyalo omutjha kodwana loyo ebesinawo kusukela ekuthomeni.)+ 6 Ithando litjho ukuragela phambili sikhamba ngokuvumelana nemiyalwakhe.+ Ngilo umyalo njengombana nezwa kusukela ekuthomeni ukuthi kufuze niragele phambili nikhamba kiwo. 7 Ngombana abakhohlisi abanengi sebavelile ephasini,+ labo abangavumi bona uJesu Krestu weza ngomzimba wenyama.+ Lo mkhohlisi nomphikisi kaKrestu.+

8 Zitjhejeni, bona ningalahlekelwa zizinto esisebenzele ukuziveza kodwana nifumane umtlomelo opheleleko.+ 9 Woke umuntu oweqela ngale kwefundiso kaKrestu begodu angahlali kiyo akanaye uZimu.+ Loyo ohlala efundisweni le nguye onabo bobabili uBaba neNdodana.+ 10 Nangabe umuntu uza kini kodwana angalethi ifundiso le, ningamamukeli emizinenu+ begodu ningamlotjhisi nokumlotjhisa. 11 Ngombana loyo omlotjhisako umhlanganyeli naye emisebenzinakhe emimbi.

12 Nanyana nginezinto ezinengi engifuna ukunitlolela zona, angifuni ukuzitlola ngephepha ne-enke kodwana ngithemba bona ngizokuza kini begodu ngikhulume nani ubuso nobuso ukuthi ithabo lenu libe ngesilinganiso esizeleko.

13 Abantwana bakadadwenu, okhethiweko, bayakulotjhisa.