Isifundo 16

Isiqunto Sakho Sokusebenzela UZimu

Kufuneka wenzeni newuzakuba mngani kaZimu? (1, 2)

Uzinikela njani kuZimu? (1)

Ungabhajadiswa nini? (2)

Ungawafumana bunjani amandla wokuhlala uthembekile kuZimu? (3)

1. Nawuzakuba mngani kaZimu, kufuneka ufumane ilwazi elihle leqiniso leBhayibhili (1 kuThimothi 2:​3, 4), yiba nekholo entweni ozifundileko (KumaHebheru 11:⁠6), uphenduke ezonweni zakho (IZenzo 17:⁠30, 31), utjhuguluke ekambweni yakho yokuphila. (IZenzo 3:19) Ithando lakho ngoZimu kufuneka likuragele bonyana uzinikele kuye. Lokho kutjho bonyana emthandazweni wakho wemsitheleni, umtjela bonyana uzinikela kuye ukwenza intando yakhe.​—⁠Matewu16:24; 22:37.

2. Ngemva kokuzinikela kuZimu, kufuneka ubhajadiswe. (Matewu 28:​19, 20) Ukubhajadiswa kwenza boke bazi bonyana uzinikele kuJehova. Ubhabhadiso ngelalabo abakhule ngokuzeleko bonyana bazenzele isiqunto sokusebenzela uJehova. Lapho umuntu abhajadiswa umzimba wakhe kufuneka ufakwe ngaphasi kwamanzi isikhatjhana.a​—⁠Markosi 1:​9, 10; Izenzo 8:⁠36.

3. Ngemva kokubanyana sewuzinikele, uJehova uzokulindela bonyana uphile ngokwesithembiso sakho. (AmaRhalani 50:14; Umtjhumayeli 5:​4, 5) UDeveli uzokulinga ukukuvimbela ekusebenzeleni uZimu. (1 KaPitrosi 5:⁠8) Kodwana tjhidela hlanu kukaZimu ngomthandazo. (KwebeFililipi 4:​6, 7) Funda iLizwi lakhe ngamalanga. (AmaRhalani 1:​1-3) Namathela hlanu kwebandla. (KumaHebheru 13:17) Ngokwenza koke lokhu, uzokuba namandla wokuhlala uthembekile kuZimu. Ukuphila kwakho koke ungenza zoke izinto uZimu azifunako kuwe!

[Umtlolo waphasi]