Isifundo 13

Imilingo Nobuloyi Kumbi

USathana ufuna bonyana wenze imilingo. Abanengi bahlabela abokhokho namtjhana imimoya bonyana bazivikele ekulimaleni. Benza lokhu ngombana basaba amandla wemimoya. Bafaka iindzilaminwana zemilingo namtjhana amabhengele. Basela namtjhana bazese “iinhlahla” emzimbenabo lezo abadlumbanyana zinamandla wemilingo. Emizinabo namtjhana phasi, abanye bafihla izinto abakholewa bonyana zinamandla wokuvikela. Abanye baberegisa “intatha” ngombana bakholelwa bonyana izabaphumelelisa ebhizinisini, eenhlahlubweni zesikolo, namtjhana kwezethando.

Ukuba noJehova njengomnganakho sivikelo esibhedere khulu kuSathana. UJehova uZimu neengilozi zakhe banamandla khulu kunoSathana namadimonakhe. (KaJakobosi 2:19; ISambulo12:9) UJehova unetjisakalo yokutjengisa amandlakhe malungana nabangani bakhe—labo abathembeke ngokupheleleko kuye.—2 Imilando 16:9.

ILizwi lakaZimu lithi: “Ningenzi imilingo.” UJehova uyayisola imilingo nobuloyi ngombana imikhuba le, ingafaka umuntu ngokunqophileko ngaphasi kwamandla kaSathana.—Lefitikosi 19:26.