Ingcenye 15
Umphorofidi Othunjiweko Uboniswa Izinto Ezizokwenzeka Ngomuso
UDanyela uphorofida ngoMbuso kaZimu nangokuza kwakaMesiya. IBhabhiloni liyatjhatjalaliswa
UDANYELA osesemutjha othembekileko, wayiswa ekuthunjweni eBhabhiloni ngaphambi kokobana iJerusalema litjhatjaliswe. Yena namanye amaJuda—abathunjwa nakutjhatjalaliswa umbuso wamaJuda—baphiwa ikululeko ethileko bathumbi babo. Phakathi nokuphila kwakhe okude eBhabhiloni, uZimu wamtjhudubaza khulu uDanyela, wamsindisa nemgodini wamabhubezi, begodu wamnikelwa umbono wokobana abone ingomuso. Isiphorofido sakaDanyela esiqakatheke khulu gade sinqophiswe kuMesiya nokubusa Kwakhe.
Ukufunda kwakaDanyela bona uMesiya uzokufika nini. UDanyela watjelwa bona abantu bakaZimu bangakulindela nini ukuza “kwakaMesiya uMdosi phambili”—iimveke eziyi-69 zeminyaka ngemva komlayezo wokubuyiselwa nokwakhiwa ngobutjha kwamaboda weJerusalema. Iveke ejayelekileko inamalanga alikhomba; kanti nekukhulunywa ngeveke yeminyaka kutjho iminyaka elikhomba. Umlayo loyo wakhitjhwa kade ngemva kwesikhathi sakaDanyela, okutjho bona ngo-455 Ngaphambi kweenkhathi zakaJesu. Kusukela lokho, “iimveke” eziyi-69 ziminyaka eyi-483, ephela ngomnyaka ka-29 Ngeenkhathi zakaJesu. Engcenyeni elandelako yencwajana le, sizokubona bona yini eyenzeka ngonyaka loyo. UDanyela waboniswa godu bona uMesiya “uzokubulawa,” ngebanga lokususwa kwezono zethu.—Danyela 9:24-26.
UMesiya uzokuba yiKosi ezulwini. Embonweni wezulu ngokwalo, uDanyela wabona uMesiya, okuqaliswe kuye “njengendodana yomuntu,” abandamela isihlalo sakaJehova. UJehova wamnikela “ukubusa, isithunzi nombuso.” UMbuso loyo uzokuhlala ngokungapheliko. UDanyela wafunda nenye into ethabisako malungana noMbuso kaMesiya—iKosi ezowuhlanganyela nabanye, isiqhema ekuqaliswe kiso bona “ngabacwengileko boPhakemeko.”—Danyela 7:13, 14, 27.
UMbuso ozokutjhabalalisa boke aborhulumende bephaseli. UZimu wanikela uDanyela ikghono lokuhlathulula ibhudango egade liraranisa uNebukhadinesari ikosi yeBhabhiloni. Ikosi yabona ikakaramba yesithombe esinehloko yerhawuda, isifuba nemikhono yesiliva, amathumbu namathanga wekoporo, imilenze yesimbi, begodu neenyawo zesimbi zihlanganiswe nomdaka. Kwakghephuka ilitje entabeni laphadlha iinyawo zaso begodu lasila isithombe saba yipuphu. UDanyela wahlathulula bona iingcenye zesithombe zijamele ukulandelana okude kwemibuso yephasi, ukuthoma embusweni ojanyelwe yihloko yegolide iBhabhiloni. UDanyela waboniswa bona esikhathini sokuphela semibuso emimbi yephasi ebusako, uMbuso kaZimu uzokungenelela. Uzokutjhabalalisa boke aborhulumende bephaseli. Bese wona ubusa ngokungapheliko.—Danyela, isahluko 2.
UDanyela olupheleko waphila bewabona ukuwa kweBhabhiloni. IKosi uKoresi yatjhabalalisa idorobho njengombana kwabikezelwa. Ingasikade ngemva kwalokho, ekugcineni amaJuda atjhaphuluka ekuthunjweni—khonokho, ngemva kweminyaka eyabikezelwako eyi-70 yokutjhatjaliswa kwenarha yabo. Ngaphasi kokunqophiswa borhulumende abathembekileko, abapristi begodu nabaphorofidi, ekugcineni, amaJuda akha ngobutjha iJerusalema abuyisela netempeli lakaJehova. Kodwana, khuyini ezokwenzeka ekupheleni kweminyaka eyi-483?
—Isekelwe encwadini kaDanyela.
◼ Yini eyafundwa nguDanyela malungana noMesiya noMbuso kaZimu?
◼ UMbuso kaZimu uzobathinta njani aborhulumende bephasi?
[Itjhadi ekhasini 18]
Genesisi
Eksodosi
Lefitikosi
Numeri
Duteronomi
Joshuwa
Abahluleli
Rude
1 Samuweli
2 Samuweli
1 Amakhosi
2 Amakhosi
1 Imilando
2 Imilando
● Ezra
● Nehemiya
Esta
Jobhi
AmaRhalani
Iziyema
Umtjhumayeli
Irhubo lamarhubo
Isaya
Jeremiya
Isililo
Ezekiyeli
● Danyela
Hosiya
Juweli
Amosi
Obadiya
Jona
Mika
Nahumi
Habakuki
Zefaniya
Hagayi
Zakariya
Malaki
Matewu
Markosi
Luka
Jwanisi
IZenzo
KwebeRoma
1 KwebeKorinte
2 KwebeKorinte
KwebeGalatiya
Kwebe-Efesu
KwebeFilipi
KwebeKholose
1 KwebeTesalonika
2 KwebeTesalonika
1 kuThimothi
2 kuThimothi
KuTitosi
KuFilimoni
KumaHebheru
KaJakobosi
1 KaPitrosi
2 KaPitrosi
1 KaJwanisi
2 KaJwanisi
3 KaJwanisi
KaJuda
ISambulo