Ingcenye 23

Ukurhatjheka Kweendaba Ezihle

UPowula ukhamba ngeenyawo nangesikepe atjhumayela

ASELE aphendukile, ngetjisakalo uPowula watjhumayela iindaba ezihle malunga noMbuso kaZimu—kulapho kwaphela loyo wakhe waba mphikisi omkhulu aqalana khona nokuphikiswa. Kungekho okungamlisisa, umpostoli lo watjhumayela eendaweni ezikude nakabanzi arhatjha iindaba ezihle zoMbuso kaZimu ozokuzalisa umnqopho kaZimu wokuthoma ngesintu.

Ekhambweni lakhe lokuthoma lokutjhumayela eListra, uPowula walapha indoda eyabelethwa isirhole. Isiqubuthu sarhuwelela sithi uPowula nomkhambisanakhe uBhanabhasi bozimu. Amadoda amabili la, alela abantu bona benze imihlatjelo kiwo. Sifakwe manaba kaPowula ngehloko, isiqubuthu esifanakwesi sakghadlha uPowula ngamatje samtjhiya sidlumbanyana ufile. UPowula wasinda begodu ngokukhamba kwesikhathi wabuyela edorobhenelo ukuyoqinisa abafundi nokubakhuthaza.

Amanye amaKrestu amaJuda athi amakholwa angasiwo amaJuda kufuneka abambelele engcenyeni ethileko yoMthetho kaMosisi. UPowula wadlulisela umraro lo kubapostoli nemadodeni amadala eJerusalema. Ngemva ukuphenyisisa iMitlolo nangesiqondiso somoya ocwengileko kaZimu, amadoda la atlolela amabandla awakhalima bona alise ukukhonza iinthombe, ukudla iingazi namtjhana inyama engakakhitjhwa iingazi begodu nobufebe. Imiyalo le, ‘imithetho efaneleko’ kodwana ukuyilalela bekungatjho ukulandela uMthetho kaMosisi.—IZenzo 15:28, 29.

Ekhambweni lakhe lesibili lokutjhumayela, uPowula wakweriya eBhereya, namhlanje eyaziwa bona yiGrisi. AmaJuda ahlala lapho amukela ilizwi ngetjisakalo, ahlola neMitlolo ngamalanga kobana abone bona iimfundiswezo zinjalo na. Ukuphikiswa kwamkatelela bona adlulele phambili godu, kwanjesi waya e-Atheni. Aphambi kwamadoda afundileko we-Atheni, uPowula wanikela ikulumo enamandla esitjengiso sobukghoni bokuhlulela ngokuhlakanipha, aligagu lokukhuluma.

Ngemva kwekhambo lakhe lesithathu lokutjhumayela, uPowula waya eJerusalema. Nakweriyela etempeleni lalapho, amaJuda athileko athoma imiguruguru, afuna ukubulala uPowula. Amasotja amaRoma angenela begodu aphenyisisa uPowula. Njengomhlali weRoma, wazivikela phambi koMbusi weRoma uFiliksi. AmaJuda gade anganabo ubufakazi bomlandu awubeka uPowula. Ukuvimbela uFestusi, ongomunye umbusi weRoma, bona amdlulisele kumaJuda, uPowula wathi: “Ngikudlulisela kuMbusi.” UFestusi waphendula wathi: “Udlulisele kuMbusi, yeke-ke uya kuMbusi kwanje.”—IZenzo 25:11, 12.

UPowula wathathwa ngesikepe wayiswa e-Italiya ukuyokuqalana nomlandwakhe. Aphukelwe mkhumbi ekhambweni lakhe, wahlala ubusika esiqhingini seMalta. Ekugcineni nakafika eRoma, wahlala iminyaka emibili endlini yokuqatjhwa. Namtjhana agade agadwe lisotja, umpostoli otjhisekako lo waragela phambili nokutjhumayela ngoMbuso kaZimu kilabo egade bamkweriyela.

—Isekelwe encwadini yeZenzo 11:22–28:31.

◼ Kwenzekani ngemva kobana uPowula alaphe indoda esirhole eListra?

◼ Umraro omalungana nokulandelwa koMthetho kaMosisi wararululwa njani?

◼ Yini eyenza bona uPowula agcine aseRoma, begodu yini ayenzako nekalapho?

[Itjhadi ekhasini 26]

Genesisi

Eksodosi

Lefitikosi

Numeri

Duteronomi

Joshuwa

Abahluleli

Rude

1 Samuweli

2 Samuweli

1 Amakhosi

2 Amakhosi

1 Imilando

2 Imilando

Ezra

Nehemiya

Esta

Jobhi

AmaRhalani

Iziyema

Umtjhumayeli

Irhubo lamarhubo

Isaya

Jeremiya

Isililo

Ezekiyeli

Danyela

Hosiya

Juweli

Amosi

Obadiya

Jona

Mika

Nahumi

Habakuki

Zefaniya

Hagayi

Zakariya

Malaki

Matewu

Markosi

Luka

Jwanisi

● IZenzo

KwebeRoma

1 KwebeKorinte

2 KwebeKorinte

KwebeGalatiya

Kwebe-Efesu

KwebeFilipi

KwebeKholose

1 KwebeTesalonika

2 KwebeTesalonika

1 kuThimothi

2 kuThimothi