Iimlayezo YeBhayibhili

ERHUNYEZIWEKO

1 UJehova udala u-Adamu no-Efa banethemba lokuphila ngokungapheliko ePharadeyisini. USathana ukhuluma amanga ngoZimu begodu uphakamisa umbuzo malungana nokubusa Kwakhe. U-Adamu no-Efa bahlanganyela noSathana ekuhlubukeni, baletha isono nokufa kibo nenzalwenabo

2 UJehova ugweba iinhlubukezi begodu uthembisa bona kuzokuvela uMtjhaphululi namtjhana iNzalo ezokutjhabalalisa uSathana, isuse yoke imiphumela yokuhlubuka nesono

3 UJehova uthembisa u-Abrahama no Davidi bona bazokuba bokhokho beNzalo le namtjhana uMesiya ozokubusa njengeKosi ngokungapheliko

4 UJehova uphefumulela abaphorofidi bona babikezele bonyana uMesiya uzokuza nepengu yokususa isono nokufa. Uzokubusa njengeKosi yoMbuso kaZimu, anabanye ababusi, okutjho bona bazokuqeda izipi, ukugula begodu nokufa

5 UJehova uthumela iNdodanakhe ephasini begodu uveza bona uJesu unguMesiya. UJesu utjhumayela ngoMbuso kaZimu begodu unikela ngokuphila kwakhe njengomhlatjelo. Ngemva kwalokho uJehova uyamvusa njesidalwa somoya

6 UJehova ubeka iNdodanakhe njengeKosi ezulwini, okusitjengiso sokuthoma kwemihla yokuphela. UJesu unqophisa abalandeli bakhe abasephasini njengombana batjhumayela ngoMbuso kaZimu ephasini zombelele

7 UJehova ulayela iNdodanakhe bonyana yenze uMbuso wakhe bona ubuse ephasini. UMbuso kaZimu utjhabalalisa boke aborhulumende abangakalungi, uletha iPharadeyisi, wenze nabantu abathembekileko bona bangasaba nesono. Kuyakhanya bonyana ukubusa kwakaJehova kulungile, begodu ibizo lakhe lincwengiswa ngokungapheliko