“UmBuswakho Awuze”

UJehova usithembisile wathi: ‘Ukulila angeze kusaba khona, ubuhlungu, amagulo kunye nokufa. Ngizakusula zoke iinyembezi emehlwenabo. Izinto zokuthoma zidlulile.’

UJehova wabeka u-Adamu no-Eva esimini ehle ye-Edeni bahlala lapho ngokuthula bathabile. Bebazokulotjha uBababo wezulwini bebazalise nephasi ngabantwababo. U-Adamu no-Eva akhenge balalele uJehova kodwana ihloswakhe akhenge itjhuguluke. Encwadini le sifundile ukuthi uZimu wenza yoke into ayithembisileko. UmBuswakhe nawo uzokuletha iimbusiso ephasini njengokwesithembiso sakhe ku-Abrahamu.

Kungasikade uSathana namadimonakhe bazabe bangasekho. Woke umuntu ophila ephasini uzabe alotjha uJehova. Angekhe sisafa nofana sigule. Sizokuhlala siphile kuhle ilanga nelanga sithabele nepilo. Iphasi lizokuba yipharadesi. Woke umuntu uzokuba nokudla okunepilo nekhaya eliphephileko. Nabantu bazokuba nomusa kunokuthi babe nelunya. Iimbandana zommango angekhe zisaba nelaka nathi angeze sisazisaba.

Kuzosithabisa khulu nokubona uJehova avusa abantu emathuneni. Sizokuhlangabeza abantu abanjengo-Abela, uNowa, u-Abrahama, uSara, uMosi, uRuthe, u-Esta noDavida. Abantwabo bayokuphila nathi ePhasini eliyipharadesi. Kuzokuhlala kunomsebenzi omnengi okarisako esizowenza.

UJehova ufuna ube sendaweni leyo. Kulapho ozokuthoma ukumazi khona. Asitjhideleni kuJehova ilanga nelanga bekube ngokungapheliko!