Isingeniso

UMNQOPHO WENCWADI LE

UJehova uZimu ukhuthaza abantu bakhe bona baragele phambili ‘bafunisisa’ ilemuko nokuhlukanisa “njengegugu elifihliweko.” (IzA. 2:1-5) Lokhu kutjho ukuthi kufuze sizinikele ekufunisiseni iimpendulo zemibuzo esinayo ngeBhayibheli nokusizakala kilokho okusitshwenyako. Ithulusi Lokurhubhulula LaboFakazi BakaJehova lenzelwe ukukusiza malungana nokurhubhulula.

Lesi akusi sithasiselo esipheleleko esihlathulula indaba ngayinye ekhekwakhulunywa ngayo eencwadini zethu. Nokho, ngokwesihloko ngasinye esiveziweko, kuneenkhombo ezifanelana patsi nemininingwana eseencwadini ezifumaneka ngesiNdebele, kusukela ngomnyaka ka-2008 kurage njalo.

INDLELA YOKUTHOMA IRHUBHULULO LAKHO

Qala Okungaphakathi ekhasini elilandelako bese uyakhetha ukuthi ngiyiphi indaba ezokunaba khudlwana ngemininingwana oyifunako. Kungatlhogeka uqale iinhlokwana ezimbalwa bona ufumane indaba leyo. Iinhlokwana ezivezwe ngaphasi kwendaba leyo zizokusiza ulisefe kuhle isetjho lakho.

Ngokulandelako, vula ekhasini elivezwe lapho bese ufuna indaba nesihlokwana osikhethileko. Eenhlokweni ezivezwe lapho kunye nezahluko zakhona, khetha ozifunako. Nangabe iincwadi zakhona unazo ekhaya, ekhomphyutheni, namkha zikhona esilulwini esiseWolweni lomBuso langekhenu, funa isihloko namkha isahluko esiveziwekweso. Ngitjho nanyana isihlokweso kungabonakala kwanga asikhambisani nendaba leyo, okuvezwe esihlokweneso kunayo imininingwana yendaba oyifunako. Okhunye okukhambisana nekhasi lokungaphakathi, yikhasi leenkhombo elingemuva encwadini le.

Nange ufuna ihlathululo yevesi elithileko leBhayibheli, tjhinga engcenyeni ethi “ImiTlolo Ehlathululiweko.” Ehlelweneli kufakwe kwaphela amavesi ahlathululwe ngendlela ehlukileko.

Khumbula ukuthi ufunisisa ‘igugu elifihliweko,’ kutlhoga isikhathi nomzamo ukulifumana. Yeke, zifune ngesineke iimpendulo namkha isinqophiso osifunako. Njengombana uraga nokusebenzisa Ithulusi Lokurhubhulula, kuzokuba bulula begodu uzokuthabela ukufumana imininingwana oyitlhogako. UJehova uzoyiphumelelisa imizamwakho, akusize nokobana uhlakaniphe ufumane nelemuko.—IzA. 2:6; 4:5.

ITSHWAYO:

❐ = Iinhloko ezimlandelande

§ = Iinhlokwana, ingcenye, namkha ihlandla

 = Isigaba/ Iingaba

Isahl. = Isahluko

k. namkha kk. = Ikhasi namkha amakhasi

No. = Inomboro

12/2004 = Inyanga/ Umnyaka

2:14 = isifundo 2, isigaba 14

Iincwadi ezilandelako zineenkhombo zazo:

Zuza Emfundweni YeSikole Senkonzo Esingokwasezulwini

Ukuhlelelwa Ukwenza Intando KaJehova

‘Bona Izwe Elihle’