Umthandazo
1 Kubayini Kufuze Sithandaze?
UMTHANDAZO. Kuneenhloko ezimbalwa zeBhayibhili eziveza ikareko ekulu nokufuna ukwazi. Cabanga ngeembuzo elikhomba ngokujayelekileko ebuzwako ngomthandazo; bese uhlanganyela nathi ekuhlolisiseni iimpendulo eziseBhayibhilini. Iinhlokwezi zenzelwe ukukurhelebha bona uthandaze—ukuthoma ukuthandaza namtjhana ukwenza iimthandazwakho ibe ngephumelelako.
EPHASINI mazombe, kunanyana ngiliphi isiko namtjhana ikolo, abantu bayathandaza. Bathandaza babodwa; bathandaze baziinqhema. Bathandaza emasondweni, ematempeleni, emasinagogeni, eendaweni zokukhulekela zamaSulumani, neendaweni zokukhulekela. Bangaberegisa iimada yokuthandaza, iimncamo, amavili wokuthandaza, iinthombe, iincwadi zeemthandazo namtjhana iimthandazo etlolwe emabhordweni amancani alenga emabodeni.
Umthandazo uhlukanisa abantu kizo zoke ezinye iimbunjwa ephasini. Kuyavunywa, sinokunengi esifana ngakho neenlwana. Njengazo, sitlhoga ukudla, umoya namanzi. Njengazo, siyabelethwa, siyaphila begodu siyafa. (UMtjhumayeli 3:19) Kodwana babantu kwaphela abathandazako. Kubayini kunjalo?
Mhlamunye ipendulo elula kukobana sinetlhogo yokuthandaza. Ngaphezu kwalokho, umthandazo ngokujayelekileko uqalwa njengendlela yabantu yokufikelela eembunjweni zomoya, entweni abayiqala njengecwengileko nengapheliko. IBhayibhili iveza bonyana senziwa sinesifiso sezinto ezinjalo. (UMtjhumayeli 3:11) UJesu Krestu wakhe wathi: “Bayathaba abatlhogomela iintlhogo zabo zomoya.”—Matewu 5:3.
“Iintlhogo zabo zomoya”—omunye angayihlathulula njani yoke imakhiwo yamasondo leyo nezinto zobukghwari, woke ama-awara amanengi layo asetjenziswa ekuthandazeni? Kuliqiniso, abanye abantu baqala kibo ngokwabo namtjhana baqala abanye abantu bonyana banelise iintlhogo zabo zomoya. Nokho, awuboni bona abantu abanawo amandla wokukurhelebha? Sibuthaka khulu, siphila isikhathi esifitjhani, begodu silinganiselwe. Mumuntu ohlakaniphe khulu kwaphela, onamandla amakhulu, okghodlhelela khulu kunathi ongasinikela esikutlhogako. Ngiziphi iintlhogo ezingokomoyezi ezisitjhukumisela bona sithandaze?
Khumbula: Wakhe wasikhanukela isinqophiso, ukuhlakanipha namtjhana iimpendulo zeembuzo ebonakala ingaphezu kokuhlakanipha komuntu? Wakhe wazizwa utlhoga ukutjhiriywa newuhlunguphazwe kulahlekelwa okukhulu, utlhoga isinqophiso newuqalene nesiqunto esibudisi namtjhana ukulibalelwa newugandelelwe kuzizwa umlandu?
Ngokuya ngokweBhayibhili, woke layo mabanga azwakalako wokuthandaza. IBhayibhili yincwadi ethenjwa khulu endabeni le, begodu ineemlando yeemthandazo eemnengi yamadoda nabafazi abanengi abathembekileko. Bathandazela ukutjhiriywa, ukunqotjhiswa, ukulitjalelwa neempendulo zeembuzo ebudisi.—AmaRhalani 23:3; 71:21; Danyela 9:4, 5, 19; Habakuki 1:3.
Iimthandazo enjalo gade ihlukile kodwana inokunengi efana ngakho. Kwabathandazakwaba ngamunye bekanendima eqakathekileko yomthandazo ophumelelako, loyo kanengi olahlekileko namtjhana ongatjhejwako. Bebazi bona iimthandazo kufuze inqotjhiswe kubani.