Umthandazo

6 Ungasirhelebha Na?

UKUTHANDAZA kungasizuzisa na? IBhayibhili itjengisa bona kunjalo, iimthandazo yeenceku zakaZimu ezithembekileko yazizuzisa kwamambala. (Luka 22:40; KaJakobosi 5:13) Eqinisweni, iimthandazo ingaba ngeqakathekileko kithi ngokomoya, ngokwamazizo ngitjho nangokwenyama. Njani?

Nokho, akhe sithi unomntwana othole isipho. Ungamfundisa bona kwanele na ukuzizwa anelisekile? Namtjhana ungamfundisa bona aveze ukuthokoza kwakhe? Nesifaka amazizo aqakathekileko emezwini, sibenza babe nomnqopho begodu sibaqinise. Lokho kuba liqiniso nekuziwa ekukhulumeni noZimu? Kwamambala! Cabangela nanzi ezinye iimbonelo.

Iimthandazo yokuthokoza. Nesithokoza uBabethu ngazo zoke izinto ezihle asenzele zona, sitjheja iimbusiso zethu. Ngikho, singazizwa sanelisekile, sithabile begodu siqiniseka khulu.—KwebeFilipi 4:6.

IIsibonelo: UJesu watjengisa ukuthokoza ngendlela uYise ezwa naphendula ngayo iimthandazwakhe.—Jwanisi 11:41.

Iimthandazo yokulibalela. Nesibawa ukulitjalelwa nguZimu siqinisa isazelo sethu, sitjengise ukuphenduka kwamambala, begodu siqinise nokuyelela kwethu izono ezikulu. Godu sithola nokutjhaphuluka ekubeni nesazelo esinomlandu.

Isibonelo: UDavidi emthandazwenakhe waveza ukuzisola namatlhuwo.—AmaRhalani 51.

Iimthandazo yokunqotjhiswa nokuhlakanipha. Ukubawa uJehova bona asinqophise namtjhana asiphe ukuhlakanipha kutlhogeka bona senze iinqunto ezihlakaniphileko ezingasirhelebha sibe ngabazithobe kwamambala. Kungasikhumbuza ukulinganisela kwethu bekusirhelebhe sakhe ukuthembela kwethu kuBabethu osezulwini.—Iziyema 3:5, 6.

Isibonelo: USolomoni ngokuzithoba wabawa isinqophiso nokuhlakanipha ekubuseni u-Israyeli.—1 AmaKhosi 3:5-12.

Iimthandazo yokugandeleleka. Nesithululela iinhliziyo zethu kuZimu nesigandelelekileko ngokwamazizo, sizozizwa sitjhaphulukile begodu sizokusama uJehova kunozithemba thina.—AmaRhalani 62:8.

Isibonelo: IKosi u-Asa yathandaza neyiqalene nenaba eliyingozi.—2 IMilando 14:11.

Iimthandazo yehlalakuhle yabanye abatlhogako. Iimthandazo enjalo ingarhelebha ekulwisaneni nokuzicabangela thina nokukhula ekubeni nomusa.

Isibonelo: UJesu wathandazela abalandeli bakhe.—Jwanisi 17:9-17.

Iimthandazo yokudumisa. Nesidumisa uJehova ngebanga leemberegwakhe neemfanelo zakhe ezirarako, ukumhlonipha nokumthokoza kwethu kungakhula. Iimthandazo enjalo izosirhelebha sitjhidele hlanu kwakaZimu noBabethu.

Isibonelo: UDavidi ngetjiseko wadumisa uZimu ngebanga lendalwakhe.—AmaRhalani 8.

Esinye isibusiso esihlobene nomthandazo “kuthula kwakaZimu okudlula loke ilwazi.” (KwebeFilipi 4:7) Ukuba nokuthula ephasini elizele ubumbeli eqinisweni kusibusiso esingafumanekiko. Kuba ngitjho naneenzuzo ezingokwenyama. (Iziyema 14:30) Kodwana kukodwa kungaba mphumela weemzamwethu? Namtjhana kunenye into eqakatheke khulu ebandakanyekileko?

[Umkhangiso osekhasini 10]

Umthandazo uletha iinzuzo ezinengi—ngokwenyama, ngokwamazizo begodu ngaphezu kwakho koke, nezingokomoya