Umraro Odosela Ethembeni

“Emihleni yokuphela kofika iinkhathi ezibudisi kwamambala.”—2 THIMOTHI 3:1.

WAKHE wezwa—namtjhana wabona—esinye sezehlakalo ezilandelakwezi ezizwisa ubuhlungu?

● Amalwelwe abulalako aqede abantu abanengi.

● Indlala ibulele amakhulu wabantu.

● Ukusikinyeka kwephasi kubulele iinkulungwana zabantu kwatjhiya abanengi banganamakhaya.

Emakhasini alandelako, sizokukhuluma ngamaqiniso enza umuntu acabange khulu ngezehlakalo ezinje. Godu uzokubona nokobana iBhayibhili labikezela ngobujamo obunjalo njengesikhathi esibizwa ngokobana ‘mimihla yokuphela.’a

Nokho, umnqopho weenhlokwezi, akusikutjengisa bona siphila ephasini elizele iimraro. Kungenzeka nawe uyazibonela. Kunalokho, zenzelwe ukukunikela ithemba. Zizokutjengisa bona ukuzaliseka kweemporofido ezisithandathu kutjho bona ‘imihla yokuphela’ izokuphela msinyana. Umlandelande weenhlokwezi uzokukhuluma ngezinto ezijayelekileko uzokunikela namabanga amahle wokukholelwa bona kunokuhle okubekwe phambi kwethu.

[Umtlolo waphasi]