Ijima Elikhulu Lokutjhumayela Elakhe Laba khona Ephasini!

Eminyakeni engaphezu kweli-100, aboFakazi bakaJehova bebahlophiselwe ukurhatjha iindaba ezimnandi. (1 Kor. 9:23) Kilokho esele kube yijima elikhulu lokutjhumayela elakhe laba khona, umlayezo lo siwukhuluma ngeenlimi ezimakhulukhulu. Eenarheni ezingaphezu kwezi-230. (Mat. 24:14) Kubayini umsebenzi lo uqakatheke kangaka? Ufezwe ngezinga elingangani ephasini mazombe?

I-video ethi, AboFakazi BakaJehova—Bahlophiselwe Ukutjhumayela Iindaba Ezimnandi, iphendula imibuzo leyo ngokuveza ngobuduze umsebenzi wethu wephasi loke owenziwa neendaweni ezinengi ezihlukahlukeneko. Njengombana ubukela ividiyo le, cabanga ngemibuzo elandelako: (1) Umsebenzethu uhlelwe begodu unqotjhiswa njani? (2) UMnyango wokuTlola, wokuTjhugulula, wokuGwala, noMnyango Wokulalelwako nokuBukelwako idlala yiphi indima ekurhatjheni iindaba ezimnandi? (3) Uyini umnqopho wemisebenzethu emikhulu yokugadangisa nokuthumela iincwadi? (Jwa. 17:3) (4) Zingakhi iincwadi ezigadangiswako ngomnyaka? (5) Zifezeni iincwadi zethu ezisekelwe eBhayibhelini? (Heb. 4:12) (6) Khuyini eyenziweko bona basizwe ngokomoya labo abaziimphofu nofana abangezwako? (7) Umsebenzethu usekelwa njani ngokweemali? (8) Sizuza njani emsebenzini weMnyangweni Womniningwana Yeembhedlela, eMnyangweni weKonzo, neMnyangweni womHlangano? (9) Njengomunye waboFakazi bakaJehova, ividiyo le ikuthuthukise njani ukuthokoza kwakho (a) ngomzamo owenziwa yihlangano kaJehova ekutjhumayeleni iindaba ezimnandi? (b) ngemindeni yeBethel engaphezu kweli-100 ephasini mazombe? (c) ngefundo bandulo efunyanwa babonisi abakhambako neenthunywa zevangeli? (d) Ngokuqakatheka kokuthoma ilanga ngalinye ufunda umtlolo weBhayibheli nokulungiselela imihlangano yebandla qobe veke? (e) ngeenzuzo zokubakhona emihlanganweni yobuKrestu? (f) ngalokho okuzokutjhiwo kukubakhona kwePharadesi ephasini? (Isa. 11:9) (g) ngokuhlanganyela komuntu mathupha emsebenzini oragela phambili wokuvuna?—Jwa. 4:35.

Ngikuphi ukusabela okuhle okufumeneko evidiyweni le newuyitjengisa iinhlobo zakho, abangani, amabuyelo nalabo ofunda nabo iBhayibheli? Kubayini ungayibukeli nothileko bese uhlanganyela naye iindaba ezimnandi msinyana?—Mat. 28:19, 20.