Izaziso

◼ Incwadi ezokukhanjiswa ngoJulayi nango-Arhostosi: Ungaba Mngani kaZimu! nethi, Indlela Eya Ekuphileni Okungapheliko—Uyifumene? namtjhana ngiyiphi enye incwajana ekhanjiswa esimini ibandla elinayo esitokweni. Amabandla asese nencwajana ethi, Yini UNkulunkulu Ayifunayo Kithi? kufuze ayikhambise. Ngo-Septemba: Khuyini Kwamambala Okufundiswa YiBhayibhili? Lingani ukuthomisa iimfundo zeBhayibhili ekukhambeleni kokuthoma. Ngo-Oktoba: Sizokukhambisa abomagazini INqabayokulinda ne-Phaphama! Kilabo ababonise ikareko, ungabakhambisela iphetjhana elithi Ungathabela Ukulazi Iqiniso? begodu lingani ukuthomisa isifundo seBhayibhili ekukhambeleni kokuthoma.

◼ Sithabela ukunazisa ngejima lesimu engakabiwa yango-2009 bona lasekelwa kuhle khulu. UJehova ubusise iimzamo yabarhuweleli abazi-10 942 emabandleni ama-293 eBotswana, eLesotho, eNamibia, eSewula Afrika, neSwaziland abahlanganyele ejimeneli. Bakhambisa iincwadi ezi-12 344, neencwajana ezi-38 865 nabomagazini abazi-84 868 esimini. Baberege ama-awara azi-84 174 ekonzweni benza namabuyelo azi-4 895, baraga neemfundo zeBhayibhili ezima-711. Siqale phambili sinerhuluphelo lokuhlanganyela ijima lesimu engakabiwa yango-2011.