Esingakutjho Ngabomagazini

ISithalasokulinda Disemba 1

“Abanye abantu bacabanga bona nebahlongakalelwa mumuntu abamthandako bafazi kwaphela okufuze balile, ingasi amadoda ngombana bathi indoda ayilili phambi kwabantu. Ucabangani ngalokho wena? [Lindela ipendulo.] Cabangela isibonelo sendoda eqakatheke khulu. Funda uJwanisi 11:35. Isihloko esithoma ekhasini 9 sihlathulula indlela ongaduduza ngayo umuntu ohlongakalelweko.”

Phaphama! Disemba

“Abantu abanengi bayazibuza, ‘Nengabe uZimu ukhona, kubayini angatjhabalalisi udeveli?’ Khe wazibuza lokho? [Lindela ipendulo.] Isihlokwesi esisemakhasini 10 no-11 siphendula umbuzo loyo ngeBhayibhili. Godu sisitjela nokobana iphasi lizokuba njani nekangasekho uDeveli.” Funda ISambulo 21:3, 4.

ISithalasokulinda Janabari 1

“Abantu abanengi bakholelwa bona kuneembunjwa ezihlakaniphileko endaweni yemimoya ezinomthelela ekuphileni kwethu. Ucabangani ngalokho wena? [Lindela ipendulo. Ngemva kwalakho funda ISambulo 12:7-9.] Umagazini lo utjengisa lokho iBhayibhili ekutjhoko ngalabo abahlala endaweni yemimoya, indlela abasithinta ngayo nokobanyana singakghona na ukuthintana nabo.”

Phaphama! Janabari

Mtjengise ikhasi langaphambili bese uyambuza, “Ungawuphendula njani umbuzo lo? [Lindela ipendulo.] Iimtlolo ikhuthaza abantu bona babe nokuthula. [Funda uJakobosi 3:17.] Nje-ke, kubayini ikolo ibhalelwa ukwenza bona abantu babumbane? Ikolo izokukghona na ukuba mthombo wokuthula? Umagazini lo unikela iimpendulo zeembuzo leyo.”