Tjengisa Ukutjheja Newusesimini
1. Kubayini kufuze sitjheje nesitjhumayelako?
1 “Njengezimvu hlangana neempisi,” iinceku zakaZimu zitjhumayela “hlangana nabantu abakhohlakeleko nabazizoni.” (Mat. 10:16; Fil. 2:15) Iimbiko ethusako yokunganzinzi komphakathi, inturhu yeenqhema nokuthunjwa kwabantu okunelunya sekuzizinto ezivamileko, lokhu kubufakazi bokobana ‘abantu abenza ubumbi baragela phambili ebumbini.’ (2 Thi. 3:13) Ngiziphi iinkambisolawulo zoMtlolo esingazisebenzisa bona ‘sizitjheje’ ekonzweni?—Mat. 10:16.
2. Ngibuphi ubujamo obungenza kube kuhlakanipha bona sitjhiye isimu leyo siyokutjhumayela kwenye indawo?
2 Yenza Ngokulemuka: Iziyema 22:3 zigandelela ukuhlakanipha ‘kokubhacela’ ihlekelele. Hlala uphaphamile! Ubujamo bungatjhentjha kungakalindeleki endaweni esiyazi bona iphephile. Kungenzeka ubone ukwanda kwamapholisa namtjhana kwakheke iinqubuthu zabantu endleleni. Ngezinye iinkhathi umninimuzi onomusa angasiyelelisa. Kunokobana sibe nerhuluphelo yokufuna ukubona, kukutjengisa ilemuko ukukhamba msinyana siyokusebenza kwenye indawo.—Iziy. 17:14; Jwa. 8:59; 1 Tes. 4:11.
3. Ikambisolawulo ekuMtjhumayeli 4:9 isebenza njani ekozwenethu?
3 Sebenzani Ndawonye: “Ababili bangcono kunoyedwa,” kutjho UMtjhumayeli 4:9. Namtjhana bewujayele ukusebenza wedwa ngokuphepha esimini, kuphephile na nje ukwenza njalo? Kezinye iindawo kuphephile. Kodwana kezinye akukaphephi bona udade namtjhana umuntu osesemutjha asebenze yedwa umuzi nomuzi, khulukhulu ngemva kokutjhinga kwelanga. Okuhlangabezanwe nakho kufakazela bona umkhambisani otjhejako uyatlhogeka. (Mtj. 4:10, 12) Qiniseka bona boke okhamba nabo esiqhemeni baphephile. Kwenze umkhuba ukwazisa abanye bona uyakhamba.
4. Singakusebenzela njani ukuphepha kwabo boke ebandleni?
4 Abadala banomthwalo wefanelo wokusinikela iinqophiso ezikhambisana nobujamo bendawo, ngombana ‘bahlala basilusile.’ (Heb. 13:17) Siyaqiniseka bona sizokufumana isibusiso sakaJehova njengombana sitjengisa ukuthobeka kobuKrestu begodu sibambisane nabo ngokuzeleko. (Mika 6:8; 1 Kor. 10:12) Kwanga zoke iinceku zakaZimu zingaba nengcenye ekunikeleni ubufakazi ngokuphumelelako esimini yethu, kodwana zikwenze ngokutjheja ngaso soke isikhathi.