Ividiyo ethi Young People Ask—How Can I Make Real Friends?
UJehova wenze abantu bona babe nobudlelwana begodu bakhe ubungani. (IzA. 17:17; 18:1, 24) Bona ubudlelwanobu buzuzise, kufuze sikhethe abangani bethu ngokutjhejisisa. (IzA. 13:20) Ngemva kokubukela ividiyo ethi, Young People Ask—How Can I Make Real Friends?, ungakghona na ukuphendula imibuzo elandelako?
Isingeniso:
(1) Uyini umngani weqiniso?
IinThiyo Zokuba NobuNgani:
(2) Amazizo wokuba nesizungu angahlulwa njani? (Fil. 2:4) (3) Kubayini kufuze sizimisele ukuthuthukisa ubuntu bethu, begodu ngubani ongasisiza bona senze njalo? (2 Kor. 13:11) (4) Singawavula njani amathuba wokwenza abangani abangeziweko?—2 Kor. 6:13.
UbuNgani NoZimu:
(5) Singabuhlawulela njani ubuhlobo obutjhideleneko noJehova, begodu kubayini ukwenza njalo kuwufanele umzamo? (Rha. 34:8) (6) Nesenza uJehova abe mnganethu omkhulu, ngibuphi ubudlelwana obuzuzisako esingaba nabo nabantu?
IHlobo LabaNgani AbaMbi:
(7) Bobani abangani abambi? (1 Kor. 15:33) (8) Abangani abambi bangabulimaza njani ubuhlobo bethu noJehova?
IDrama YesiKhathi SaGadesi:
(9) Ukulandisa kweBhayibhili ngoDina kusifundisani? (Gen. 34:1, 2, 7, 19) (10) UTara wakuhlathulula njani ukuzihlanganisa kwakhe nabatjha abangakholwako? (11) Ngiziphi iingozi abangani bakaTara besikolweni abafuna ukumfaka kizo? (12) Kubayini ababelethi bakaTara babhalelwa kubona ingozi ebekaqalane nayo, kodwana bamsiza njani bona akhe kabutjha ubuhlobo bakhe noJehova? (13) Udade oliphayona waziveza njani amngani weqiniso kuTara? (14) Khuyini uTara athoma ukuyibona ngokuhlukileko?
IsiPhetho:
(15) Ngiziphi iimfundo ozifunde evidiyweni le? (16) Ungayisebenzisa njani ividiyo le ukusiza abanye?
Kwanga singakhetha abangani abazosisiza sibulunge ubungani obukhulu kunabo boke—ubungani noZimu!—Rha. 15:1, 4; Isa. 41:8.