Umlandelande OmuTjha WesiHloko EsizokuVela Ku-Sithalasokulinda
NgoMgqibelo wokuthoma waqobe nyanga, besisebenzisa iinhloko ezithethwe emlandelandeni we-Sithalasokulinda othi “Funda Elizwini LakaZimu” bona sithome iimfundo zeBhayibhili. Kusukela ngoJanabari, umlandelande lo uzokuthathelwa indawo sihloko esithi “IimPendulo ZemiBuzo YeBhayibhili,” esizokufumaneka ekhasini elingemva kumagazini womphakathi. Isihloko esithi “IimPendulo ZemiBuzo YeBhayibhili” singasisebenzisa ngendlela efanako naleyo ebesisebenzisa ngayo isihloko esithi “Funda Elizwini LakaZimu.” (km 12/10 k. 2) Njengesikhathini esidlulileko, Ikonzwethu YoMbuso izokuba netjumayelo esibonelo esingayisebenzisa ngoMgqibelo wokuthoma enyangeni.