Izaziso

◼ Iincwadi ezizokukhanjiswa ngoSeptemba no-Oktoba: Abomagazini isiThala ne-Phaphama! NgoNovemba noDisemba: Khuyini Kwamambala Okufundiswa YiBhayibhili? namkha amanye amaphetjhana okungenzeka bona ibandla linawo esitokweni. Amabandla asese namaphetjhana wakade kufuze enze umzamo omkhulu wokuwakhambisa amaphetjhana lawo, angawabeki esitokweni.

◼ Ikulumo yenengi ekhethekileko yangesikhathi sesiKhumbuzo sango-2015 izokunikelwa ngeveke ka-Apreli 6. Isihloko sekulumo sizokumenyezelwa ngokukhamba kwesikhathi. Amabandla akhanjelwe mbonisi wesigodi namtjhana anomhlangano wesigodi ngepelaveke leyo azokuba nekulumo ekhethekileko ngeveke elandelako. Alikho ibandla okufuze libe nekulumo ekhethekileko ngaphambi kwaka-Apreli 6.

◼ Ukuthoma ngoSeptemba, ababonisi besigodi bazonikela ikulumo yenengi enesihloko esithi, “Indlela Okusizuzisa Ngayo Ukuhlakanipha KwakaZimu.”