‘Khamba Ngokukholwa, Ingasi Ngokubona’

Umpostoli uPowula watlolela amaKrestu msinyana ngaphambi kobana iJerusalema livinjezelwe, beligcine selitjhatjalalisiwe. Wathi njengombana amaKrestu alibutho elihle lakaKrestu, kufuze akulindele bona azokuqalana neenkhathi ezibudisi begodu akukafuzi abeke izinto zawo nezokuzithabisa kuze qangi epilwenawo. (2 Thim. 2:3, 4) Njengombana kuzokwenzeka izehlakalo ezibuhlungu ephasini elingamsabiko uZimu, sitlhoga ukukholwa okuqinileko bona sidzimelele ezintweni ezithabisa uJehova. (2 Kor. 4:18; 5:7) Bukela ividiyo ethi, ‘Hamba Ngokholo Hhayi Ngokubona.’ (Ngena ku-jw.org, bese uqala ngaphasi kwesithi, IZINCWADI > AMA-VIDEO.) Tjheja indlela uNahami no-Abhithali abathanda ngayo uburego, nangendlela okwabafaka ngayo emrarweni. Ngemva kwalokho, buyekeza imibuzo elandelako.

(1) Ngisiphi “isinyenyiso” ebesijame “endaweni ecwengileko” lokha amaKrestu wokuthoma nakasahlala eJerusalema, begodu ngiliphi igadango alithathako? (Mat. 24:15, 16) (2) Kubayini bekufuze babe nokukholwa nabazakubaleka edorobheneli? (3) Ngiziphi izinto ebekufuze bazidele nababalekako? (4) Kubayini uNahami no-Abhithali bariyada? (Mat. 24:17, 18) (5) URarheli waqalana nasiphi isilingo sokukholwa kwakhe nakatjhiya iJerusalema? (Mat. 10:34-37; Mar. 10:29, 30) (6) U-Ethani wasibeka njani isibonelo esihle sokukholwa nokuthembela kuJehova? (7) AmaKrestu nakasePhela aqalana naziphi iintjhijilo? (8) Ukukholwa kwakaNahami no-Abhithali kwathoma njani ukubogaboga kancanikancani? (9) UJehova wawatlhogomela njani amaKrestu ebekahlala ePhela? (Mat. 6:33; 1 Thim. 6:6-8) (10) Singamlingisa njani u-Abrahamu noSara njengombana siqalene nesiphelo? (Heb. 11:8-10) (11) UNahami no-Abhithali bazikhohlisa njani ngokuthi babuyele eJerusalema, begodu kubayini ukucabanga kwabo bekutjhaphile? (Luk. 21:21) (12) Bebunjani ubujamo eJerusalema lokha uNahami no-Abhithali nebabuyela khona? (13) Kubayini kufuze siqinise ukukholwa kwethu nje—ngaphambi kokuphela kwephaseli?—Luk. 17:31, 32; 21:34-36.

Ukukhamba ngokukholwa kutjho (1) ukuthembela esinqophisweni sakaJehova, (2) ukuvumela isinqophisweso silawule amagadangwethu, (3) nokutjengisa ukuthi ubuhlobo bethu noZimu buqakatheke khulu ukudlula uburego. Asizimiseleni ukukhamba ngokukholwa, sinethemba lokuthi “iphasi neenkanuko zalo kuyadlula; kodwana loyo owenza intando kaZimu unokuphila okungapheliko.”​—1 Jwa. 2:17.