Ngebanga Lokumomotheka!

ABOMMA abasesebatjha ababili bebakhamba ndawonye endaweni yamabhizinisi edorobheni leBaguio, yePhilippines. Bayibona ikarana yeencwadi kodwana akhenge baye kiyo. UHellen, udadwethu ebekaseduze nekarana wamomotheka lokha nakababonako. Abomma ababilaba baragela phambili nendlelabo kodwana yabakara indlela uHellen ebakamomotheka ngayo.

Kwathi ngokukhamba kwelanga abomma ababilaba nababuyela emuva bakhamba ngebhesi, babona itshwayo elikhulu le-jw.org eWolweni loMbuso. Bakhumbula ukuthi umtlolo lo khebawubona lokha nabadlula ikarana. Nabehla ebhesini, bakhamba bayokuhlola iinkhathi zomhlangano njengombana zitlolwe ngeyegeni yeWolo loMbuso.

Abomma ababilaba bathoma ukuza esifundweni. Nabangena eWolweni loMbuso, babona uHellen, bamkhumbula ngokumomotheka kwakhe. UHellen uthi, “Nabeza kimi, ngabethwa livalo. Ngacabanga ukuthi mhlamunye kukhona okumbi engakwenzako.” Kodwana abommaba bamhlathululela uHellen ukuthi khuyini eyenzekako.

Abommaba bayithabela imihlangano begodu bazizwa basekhaya. Nababona abanye bahlwengisa iwolo ngemva kwemihlangano, babuza bona kukhona abangasiza ngakho na? Nanyana omunye wabommaba sele akhamba enarheni leyo ko- dwana omunye sele athomile ukuya esifundweni nokufunda iBhayibheli, koke lokhu kungebanga lokumomotheka!