UJesu “Wafunda Ukulalela”

UJesu bekahlala alalela uJehova. (Jwa. 8:29) Alo kubayini iBhayibheli lithi: “Wafunda ukulalela ezintweni atlhaga ngazo”?—Heb. 5:8.

UJesu nakasephasini, waqalana nobujamo obebungekho ezulwini. Ngokwesibonelo, wakhuliswa babelethi abathanda uJehova kodwana abanesono. (Luk. 2:51) Wakghodlhelelela ukuphathwa kumbi barholi bekolo naborhulumende abakhohlakeleko. (Mat. 26:59; Mar. 15:15) Nanyana kunjalo, “wazithoba begodu walalela bekwaba sekufeni,” wafa kabuhlungu.—Flp. 2:8.

Koke lokhu kwafundisa uJesu ukulalela ngendlela angakhenge afunde ukulalela ngayo nakasezulwini. Yeke wakghona ukuba yiKosi efanelekako nomPhristi oPhakemeko okghona ukuzwelana nathi. (Heb. 4:15; 5:9) UJesu waqakatheka khulu begodu wasebenziseka khulu kuJehova ngemva kwezinto azikghodlhelelako.—Jak. 1:4.