Isifundo 14
Indlela ABofakazi BakaJehova Abahlelwe Ngayo
Bathoma nini ABofakazi bakaJehova? (1)
Iragwa njani imihlangano yaBofakazi bakaJehova? (2)
Iindleko zitjhejwa bunjani? (3)
Ngubani odosa phambili kwelinye nelinye ibandla? (4)
Ngimiphi imihlangano emikhulu ababanayo qobe nyaka? (5)
Ngimiphi imisebenzi eyenziwa endlukulu nema-ofisini wegaja? (6)
1. ABofakazi bakaJehova bathoma ngo-1870. Ekuthomeni, bebabizwa ngokuthi baFundi beBhayibhili. Kodwana ngo-1931 bamukela ibizo elingokoMbhalo elithi aBofakazi bakaJehova. (Isaya 43:10) Ekuthomeni okuncani ihlangano yanda ngeengidi zaBofakazi, abamajadujadu ngokutjhumayela eenarheni ezingaphezu kuka 230.
2. Amabandla aBofakazi bakaJehova aba nemihlangano kathathu ngeveke. Uyamenywa bonyana ube khona komunye womhlangano lo. (KumaHebheru10:24, 25 ) Baberegisa iBhayibhili ekufundiseni kwabo. Imihlangano ivulwa beyivalwe ngomthandazo. Kuvunywa ‘neengoma zomoya’ ezithinta ihliziyo kweminengi yemihlangano yabo. (Kwebe-Efesu 5:18, 19) Kungenwa simahla, akunakhongozelo.—Matewu 10:8.
3. Amabandla amanengi abambela imihlangano yawo eWolo loMbuso. Ngokujayelekileko iba sisakhiwo esakhiwa Bofakazi bokuzithandela. Ngeze wabona iinthombe, iimphambano, namtjhana ezinye izinto ezifana nalezo eWolo loMbuso. Iindleko zibhadelwa ngemnikelo yokuzithandela. Kilabo abafuna ukunikela, kunebhoksi lomnikelo wokuzithandela.—2 kwebeKorinte 9:7.
4. Kwelinye nelinye ibandla, kunabadala, namtjhana abelusi. Badosa phambili ekufundiseni ibandla. (1 kuThimothi 3:1-7; 5:17) Barhelejwa ziinceku ezikhonzako. (1 kuThimothi 3:8-10, 12, 13) Awaphakanyiswa ngaphezu kwebandla loke. (2 kwebeKorinte 1:24) Abanikelwa iziqu ezikhethekileko. (Matewu 23:8-10) Abambathi ngendlela ehlukileko kweyabanye. Ababhadelwa ngomberego wabo. Abadala ngokuzithandela batlhogomela ibandla ngeentlhogo zalo zomoya. Banganikela induduzo bebahlahle ngeenkhathi zamatshwenyeko.—KaJakobosi 5:14-16; 1 KaPitrosi 5:2, 3.
5. ABofakazi bakaJehova baba neemhlangano emikhulu unyaka nonyaka. Ngenkhathezo amabandla amanengi ahlangana ndawonye begodu abe nelandelano lemiyalo ekhethekileko yeBhayibhili. Ukubhajadiswa kwabafundi abatjha kuyingcenye yesimiso semihlangano le.—Matewu 3:13-17; 28:19, 20.
6. Indlukulu yaBofakazi bakaJehova ise New York. Lapho kuneNdikimba eBusako, isiqhema samadoda amadala anelemuko lokungamela amabandla ephasini loke. Ephasini loke kunama ofisi amagaja angaphezu kwe 100. Eendawenezi kuneensebenzi zokuzithandela ezirhelebha ekugadangisweni nekuthumeleni iincwadi zeBhayibhili. Banikela nesiqondiso ekuhleleni umsebenzi wokutjhumayela. Kubayini ungahleli ukukoriyela i-ofisi legaja elihlanu kwakho?