Umbhotjhongo WeBhabheli

Ngemva koMthwalela, amadodana kaNowa nabomkawo baba nabantwana abanengi. Imindenabo yanda, bathoma ukurhatjheka eendaweni ezihlukahlukeneko zephasi njengombana uJehova abatjela.

Kodwana eminye imindeni azange imhloniphe uJehova. Yathi: “Asizakheleni idorobho nombhotjhongo ofika ezulwini. Sizakhele igama.”

UJehova azange kumthabise okwenziwa babantwabo, yeke waqunta ukubakhandela. Uyazi bona wakwenza njani lokho? Wararanisa ilimi labo, bathoma bakhuluma amalimi ahlukahlukeneko. Njengombana bebangasakwazi ukuzwana nabakhulumako, balisa ukwakha. Idorobho ebebalakha labizwa ngokuthi yiBhabheli, okutjho “Ukurarana.” Abantu bathoma ukusabalala iphasi loke. Kodwana bebasolo benza izinto ezimbi eendaweni ebebahlala kizo. Kghani bebakhona na abasathanda uJehova? Lokho sizokufumana esihlokweni esilandelako.