Imininingwana Yabeze Emhlanganweni

IMIHLANGANO EKHETHEKILEKO

ABAFUNA UKUYA EBETHEL Abatjhumayeli ababhabhadisiweko abangaphasi kweminyaka ema-35 abazizakhamuzi ezingokomthetho zeSewula Afrika, abanekareko yokukhonza eBethel kufuze bahlele ukuba khona emhlanganweni walabo abafuna ukuya eBethel ngeLesihlanu ntambama. Bazokwaziswa ngesikhathi nendawo okuzokubanjelwa kiyo umhlangano lo.

ISIKOLO SABATJHUMAYELI BEVANGELI LOMBUSO Amaphayona aseminyakeni ehlangana kwema-23 nema-65 afuna ukusebenzela uZimu ngokungezikweko, ayamenywa emhlanganweni walabo abafisa ukuya esiKolweni sabaTjhumayeli beVangeli lomBuso ngoSondo ntambama. Bazokwaziswa ngesikhathi nendawo umhlangano ozokubanjelwa kiyo.

IMINININGWANA YABEZE EMHLANGANWENI

ABALINDI Abalindi babelwe ukusiza wena. Sibawa ubambisane nabo ngokulandela ilayelo labo malungana nokuphaga iinkoloyi, ukulawula abantu abangenako nabaphumako, ukubekisa indawo yokuhlala, nokhunye.

EBEKULAHLEKILE KWATHOLAKALA Zoke izinto ezifunyenweko kufuze ziyiswe emNyangweni wokuLahlekile bekwaTholakala. Nangabe kunento ekulahlekeleko, iya emnyangweni lo uyokuqala izinto ezikulahlekeleko. Abantwana abakhambakhamba bodwa ngaphandle kwababelethi babo bese balahleke, kufuze bayiswe emnyangweni lo. Nokho, akufuneki indawo le iqalwe njengendawo okutlhogonyelwa kiyo abantwana. Sibawa nitjheje abantwana benu bahlale banani ngaso soke isikhathi.

IMINIKELO Kusetjenziswe imali engangemali kulungiselelwa indawo yokuhlala eyaneleko, imibhobho, nezinye izinto ezenza umhlangano lo uthabise bewusisize sitjhidelane noJehova. Iminikelwenu yokuzithandela iyasiza ekubhadeleni iindlekwezi nokusekela umsebenzi wephasi loke. Kubekwe amabhoksi womnikelo atlolwe ngokukhanyako kiyo yoke indawo yomhlangano, ukwenzela bona nikghone ukunikela bulula. Siyathokoza ngeminikelo eniyenzileko bekube nje. IsiHlopha esiBusako siyanithokoza ngokusekela kwenu umBuso kaZimu ngendlela le.

INDAWO YOKUHLALA Sibawa ucabangele abanye. Khumbula, babantu okhamba nabo ngekoloyi, ohlala nabo ekhaya nofunda nabo iBhayibheli kwaphela ongababekela indawo. Sibawa ungabeki izinto eentulweni ezihlanu kwakho. Lokhu kuzokwenza abanye bakghone ukubona iintulo ezikhona.

ISIZO ELIRHABAKO Sibawa nikhumbule bona umnyango lo NGEWOBUJAMO OBURHABILEKO KWAPHELA.

UKUBHABHADISA Abazokubhajadiswa kufuze bahlale endaweni ababekelwe yona ngaphambi kobana kuthome ikulumo yokubhabhadisa ngoMgqibelo ekuseni. Omunye nomunye kufuze eze nethawula nezambatho ezifanelekako azokubhajadiswa ngazo. Iintulo ezibekelwe abazokubhajadiswa zizokuba sendaweni engaphambi kwesiteji. Nakungenzeka kube netjhuguluko kilokhu kuzokwenziwa isaziso kusese nesikhathi, kubikelwe nabalindi kunye nomNyango weMininingwana.

UMNYANGO WAMAVOLONTIYA Nangabe ufuna ukusiza kweminye yemisebenzi yokulungiselela umhlangano, sibawa uye emNyangweni weMininingwana nemNyangweni wamaVolontiya.