Iimfundo Esizifumana Embonweni KaHezekiyeli Wethempeli

Ukulotjha okuhlwengileko kuphakanyisiwe begodu kuvikelwe

Ithempeli elingokomfanekiso liphakanyisiwe ‘lisentabeni ephakeme khulu’ (1). Kghani sikuphakamisile ukulotjha okuhlwengileko, sakwenza kweza qangi ekuphileni kwethu?

Iboda elimkhawulo (2), elikampele ithempeli endaweni ekulu, ephakathi (3), lisikhumbuza bona kufuze singavumeli nanyana yini isilaphaze indlela esilotjha ngayo uJehova. Nange kufuze kube nezinto esizisusako ekulotjheni kwethu ngitjho nanyana zingasizimbi, kangangani-ke ngezinto ezingakahlwengeki namkha ezisilapheleko, kufuze zingafumaneki emuntwini olotjha uJehova namhlanjesi!—Hez. 42:20.

Iimbusiso Ezingapheliko

Umthombo ovela ethempelini elicwengileko, uyakhula ube mlanjana ulethe ukuphila begodu wenza inarha ithele (4). Iimbusiswezi sizokucoca ngazo esaHlukweni se-19 sencwadi le.

Iinkambiso Ezifanako Kibo Boke Abantu

Amasango aphakemeko wangaphandle (5) namasango wangaphakathi (9) asikhumbuza ukuthi woke umuntu olotjha uJehova ngendlela ayamukelako kufuze aziphathe ngokuvumelana neenkambiso zakaJehova eziphakemeko zokuziphatha. Tjheja ukuthi amasango angaphandle nalawo angaphakathi ayafana. Lokho kuyafaneleka, ngombana iinkambiso zakaJehova ezilungileko ziyafana kibo boke abantu abamlotjhako, kunganandaba bona banasiphi isikhundla namkha benza siphi isabelo.

Ukudla Etafuleni LakaJehova

Iinkumba zokudlela (8) zisikhumbuza bona kade, abantu bebangabelana ukudla ebekulethwe ethempelini njengomhlatjelo, kuhlekuhle, bekutjho ukudla noJehova. Kuhlukile ethempelini elingokomfanekiso amaKrestu alotjha kilo uJehova namhlanjesi ngombana ‘umhlatjelo munye’ sele unikelwe. (Heb. 10:12) Nanyana kunjalo, sisanikela umhlatjelo bona sidumise uZimu.—Heb. 13:15.

Ukuqinisekiswa NguJehova

Kungakuhlangahlanganisa ukubona iinlinganiso ezisembonweni. Kodwana kusifundisa isifundo esiyihloko: Zisiqinisekisa ukuthi ihloso kaJehova yokubuyisela ukulotjha okuhlwengileko angekhe itjhuguluke, izokwenzeka ngendlela efanako neyeenlinganiso. Ngitjho nanyana uHezekiyeli angakhenge akhulume ngokubona abantu embonwenakhe, wakhuluma ngesiyalo esiqinileko uJehova asinikela abaphristi, amakhosana nabantu. Boke abantu abalotjha uZimu kufuze baphile ngeenkambiso zakhe zokulunga.