IBHOKSI LOKUFUNDISA 16B
Ukulila Nokunghonghoyila, Ukubeka Itshwayo, Ukutjhabalalisa Kuzokwenzeka Nini Begodu Njani?
Umbono okuHezekiyeli isahluko se-9 unokuzaliseka okuzokwenzeka esikhathini sethu. Ukuzwisisa indlela izinto ezizokwenzeka ngayo kuzosisiza siqalane nesiphelo sephaseli ngesibindi
“Ukulila nokunghonghoyila”
KUZOKWENZEKA NINI: Hlangana nemihla yokuphela, ngaphambi kokuthoma kwesizi elikhulu
KUZOKWENZEKA NJANI: Abalungileko batjengisa ngamezwabo nangezenzo ukuthi bayakunyenya ukukhohlakala kwephaseli. Abanjalo ngilabo abalalela iindaba ezimnandi, baragele phambili bambatha ubuntu obufana nebakaKrestu, babhajadiswe njengetshwayo lokuzinikela kuJehova bebasekele abafowabo bakaKrestu ngokuthembeka
“Ukubekwa itshwayo”
KUZOKWENZEKA NINI: Ngesizi elikhulu
KUZOKWENZEKA NJANI: Indoda ephethe iphondo le-enke lakanobhala ijamele uJesu Krestu nakeza azokwaHlulela zoke iintjhaba. Isiqubuthu esikhulu sizokwahlulelwa kuhle namkha sibekwe itshwayo, njengezimvu, lokho kutjho bona sizokusinda epini ye-Arimagedoni
“Ukutjhabalalisa”
KUZOKWENZEKA NINI: Nge-Arimagedoni
KUZOKWENZEKA NJANI: UJesu Krestu namabuthwakhe wezulwini, okufaka hlangana iingilozi nalabo azokubusa nabo abazii-144 000, bazokutjhabalalisa iphasi elimbeli bebasindise labo abalotjha uZimu ngendlela ayamukelako bangene ephasini elitjha elinokulunga