Thobeka

Ikambisolawulo: “Ngokuzithoba, nithathe abanye njengabakhulu kunani.”—Flp. 2:3.

Lokho UPowula Akwenzako

Umpostoli uPowula ubotjhelelwe kunogada, ngehlonipho ukhuluma neKosi u-Agripa, uMbusi u-Festusi noBherinike.

IVIDIYO: UPowula Utjhumayeza IKosi U-Agripa

1. Bukela IVIDIYO, namkha ufunde izEnzo 26:2, 3. Ngemva kwalokho uphendule imibuzo elandelako:

UPowula wakutjengisa njani ukuthobeka nakakhuluma neKosi u-Agripa?
UPowula walisa njani idumo kuJehova nemiTlolweni kunokuthi alise kuye?—Funda izEnzo 26:22.

Khuyini Esiyifunda KuPowula?

2. Umlayezwethu uthandeka khulu lokha nasiwuthula ngokuthobeka nangehlonipho.

Lingisa UPowula

3. Khuluma ngehlonipho. Balekela ukwenza umuntu acabange ukuthi wena wazi koke, yena akazi litho.

4. Kwenze kukhanye ukuthi lokho okufundisako kuvela eBhayibhelini. IliZwi lakaZimu lingathinta indlela abantu abacabanga nabazizwa ngayo. Nasilisebenzisako, sakhela ukukholwa kwabo esisekelweni esifaneleko.

5. Hlala unomoya ophasi. Ungakateleli ukutjengisa ukuthi into oyikhulumako iliqiniso. Asifuni ukuphikisana nabantu. Tjengisa ukuthobeka ngokuthi ube nomoya ophasi begodu wazi ukuthi kunini la kufuze ukhambe khona. (IzA. 17:14; Tit. 3:2) Nawukhuluma ngomoya ophasi kungenzeka umuntu loyo awulalele umlayezwethu esikhathini esizako.

GODU FUNDA

Rom. 12:16-18; 1 Kor. 8:1; 2 Kor. 3:5