Yiba Nesibindi

Ikambisolawulo: “Ngesizo lakaZimethu saba nesibindi sokunitjela iindaba ezimnandi zakaZimu.”—1 Thes. 2:2.

Lokho UJesu Akwenzako

Abanye abantu bararwe nguJesu nakatjela uZakewu ukuthi ahlike emthini.

IVIDIYO: UJesu Utjhumayeza UZakewu

1. Bukela IVIDIYO, namkha ufunde uLukasi 19:1-7. Ngemva kwalokho uphendule imibuzo elandelako:

Kubayini abanye abantu bebamnina uZakewu?
Nanyana kunjalo, yini eyenza uJesu wafuna ukucoca naye ngeendaba ezimnandi?

Khuyini Esiyifunda KuJesu?

2. Sitlhoga isibindi nasizakutjhumayela umlayezo womBuso kibo boke abantu.

Lingisa UJesu

3. Thembela kuJehova. Umoya kaZimu wanikela uJesu amandla wokutjhumayela, nawe ungakusiza. (Mat. 10:19, 20; Luk. 4:18) Bawa uJehova akuphe isibindi sokutjhumayeza labo obasabako.—IzE. 4:29.

4. Ungahluleli abantu. Kungenzeka sizaze ukukhuluma nabanye abantu ngebanga lendlela abaqaleka ngayo, iinkhundla zabo, indlela abanjinge ngayo, indlela abaphila ngayo namkha iinkolelo zabo. Kodwana khumbula ukuthi:

UJehova noJesu bayakghona ukufunda iinhliziyo kodwana thina asikghoni.
Akukafuzi sibone ngasuthi akunamuntu ongasizwa nguJehova.

5. Yiba nesibindi kodwana uhloniphe bewutjheje. (Mat. 10:16) Kubaleke ukuphikisana. Qeda ikulumiswano ngomoya ophasi nange umuntu angafuni ukulalela iindaba ezimnandi namkha nange uzizwa ungakaphephi.—IzA. 17:14.

GODU FUNDA

IzE. 4:31; Efe. 6:19, 20; 2 Thim. 1:7