IMIBUZO YEBHAYIBHILI IYAPHENDULWA

UDeveli uvelaphi?

UZimu akhenge abumbe uDeveli. Kunalokho, uZimu wabumba ingilozi eyathi ngokukhamba kwesikhathi yaba nguDeveli, eyaziwa nangokuthi nguSathana. UJesu wathi uDeveli bekathembekile begodu anganamlandu. Ngalokho, ekuthomeni uDeveli bekayindodana kaZimu eyingilozi elungileko.—Funda uJwanisi 8:44.

Ingilozi ingaba njani nguDeveli?

Ingilozi eyaba nguDeveli yakhetha ukuphikisa uZimu begodu yenza isibili sokuthoma saba sehlangothini layo. Ngalokho yazenza ngokwayo uSathana, okutjho bona “Umphikisi.”—Funda uGenesisi 3:1-5; IsAmbulo 12:9.

Njengazo zoke iimbunjwa zakaZimu ezihlakaniphileko, ingilozi eyaba nguDeveli beyinekululeko yokukhetha hlangana nokwenza okulungileko nokungakalungi, kodwana yaba nesifiso sokufuna ukukhulekelwa. Isifiso sayo sokufumana idumo besisikhulu ukudlula isifiso sayo sokuthabisa uZimu.—Funda uMatewu 4:8, 9; Jakobosi 1:13, 14.

UDeveli uragele njani phambili nokuba nomthelela ebantwini? Inga-kghani kufuze umsabe? Ungafumana iimpendulo zeembuzo le eBhayibhilini.