Lithini IBhayibheli?

Kghani ikolo ivela emuntwini?

ABANYE ABANTU BAKHOLELWA ukuthi ikolo yasungulwa mumuntu; abanye bacabanga ukuthi uZimu usebenzisa ikolo ukuthi asize abantu batjhidelane naye. Wena ucabangani?

OKUTJHIWO YIBHAYIBHELI

Kunokukholwa “okumsulwa nokungikho phambi kwakaZimu onguBaba.” (Jakopo 1:27) Ikolo emsulwa, namkha yeqiniso ivela kuZimu.

OKHUNYE ESIKUFUNDA EBHAYIBHELINI

• Ikolo nayizakuthabisa uZimu, kufuze ikhambisane neqiniso leBhayibheli.—Jwanisi 4:23, 24.

• Iinkolo ezilawulwa mibono yabantu azizuzisi ngalitho.—Markosi 7:7, 8.

Kuqakathekile na ukuba ngewekolo?

UNGATHI . . .

• Iye

• Awa

• Kuya ngobujamo

OKUTJHIWO YIBHAYIBHELI

“Asitjhejeni bona singakhuthazana njani ethandweni nemisebenzini emihle; singakudeli ukuhlangana.” (Hebheru 10:24, 25) UZimu ufuna abakhulekeli bakhe babe yihlangano ebumbeneko.

OKHUNYE ESIKUFUNDA EBHAYIBHELINI

• Labo abalotjha uZimu ndawonye kufuze babe yikolo yinye.—1 Korinte 1:10, 11.

• Amalunga wekolo ethandwa nguZimu kufanele azwane kizo zoke iintjhaba zephasi.—1 Pitrosi 2:17.