Inga-kghani Bewazi?

Ngiyiphi ikambiso yabeJuda eyenza bona uJesu angavumeli abantu bafunge?

UKUFUNGA bekuvumelekile ngokuya ngomThetho kaMosi. Kodwana ngesikhathi uJesu asephasini abantu besele bajayele ukufunga khulu, kangangobana besele bafungela nanyana yini ukwenzela bona ibe nesisindo. Umkhubabo lo besele urhagele khulu, badlala ngokufunga, yeke uJesu wabakhalima bekwaba kabili. Yena wafundisa wathi yithini “lye, iye namkha, Awa, awa.”​—Mat. 5:33-37; 23:16-22.

Ngokuya kwe-Theological Dictionary of the New Testament “isifiso sabeJuda besikukuthi baqinisekise zoke iimfungo” lokho singakubona ku-Talmud yona ihlathulula kuhle ukuthi ngiziphi iimfungo ekufuze zithathelwe ehloko, nokuthi ngiziphi ekungakafuzi.

UJesu bekangasiyedwa nakazakukhalimela umukghwa omumbi lo. Ngokwesibonelo, usomlando omJuda uFlavius Josephus uthi: “Bebakubalekela ukufunga, bathi kumbi ukudlula ukukhuluma amala, umuntu nabangamkholwa ngesithembiso asitjhoko bamqala njengomuntu okhohlakeleko ngaphandle kokuqala umthetho kaZimu.” Inolwana yabeJuda leyo beyaziwa ngokuthi yi-Wisdom of Sirach, namkha i-Ecclesiasticus, (23:11) yona-ke ithi: “Umuntu onikelelweko ubole ukubola.” Ngikho uJesu akhalima ukuthi akhekuliswe ukuqalela ukufunga phasi. Nangabe sihlala sikhuluma iqiniso akutlhogeki sifunge ukwenzela bona abantu basikholwe.