Lokha Ukuphila Kubudisi

Nasi isibonelo, uSallya we-United States, owalahlekelwa zizinto zakhe zoke nakunehlekelele yemvelo uthi: “Bengingazi bona ngizokukghodlhelela bekube kunini. Eenkhathini ezinengi bengibona ngasuthi angeze ngakghona ukukghodlhelela.”

Omunye umraro abantu abahlangabezana nawo kuhlongakalelwa. UJanice we-Australia uthi: “Lokha amadodanami amabili ahlongakala, ngezwa ubuhlungu ebengizitjela bona angeze buphole. Ngathandaza ngathi: ‘Ngiyakubawa Zimu angisakghoni ukukghodlhelela. Ngivumela ngihlongakale. Angisafuni ukuphila.’”

UDaniel wezwa ubuhlungu khulu lokha nakafumana bona umkakhe akakathembeki. Nakasihlathululelako uthi: “Lokha umkami nakangitjela bona khewenza izinto ezisolisako, ihliziywami yaba buhlungu ngasuthi bangihlabe ngomukhwa. Kwadlula iinyanga ezinengi ngisolo ngizwa ubuhlungu.”

IsiThalesi sizokukhuluma ngokuthi kubayini ukuphila kungathabisa ngitjho nanyana

• Kuneenhlekelele zemvelo

• Sihlongakalelwa

• Umuntu esitjhade naye angakathembeki

• Ipilwakho ibogaboga

• Ipilo ibudisi

Kokuthoma, yini engasisiza nakuneenhlekelele zemvelo?