Ukwazi Iqiniso NgomBuso KaZimu
UJesu wafundisa abalandeli bakhe ukuthandaza: “Babethu osezulwini, ibizo lakho alicwengiswe. UmBuswakho awuze. Intandwakho ayenzeke nephasini, njengombana yenzeka ezulwini.” (Matewu 6:9, 10) Uyini umBuso kaZimu? Khuyini oyenzako? Begodu kubayini kufuze siwuthandazele?
UJesu uyiKosi yomBuso kaZimu.
Lukasi 1:31-33: “Kufuze uyithiye ngokuthi nguJesu. Yena uzokuba mkhulu, uzokubizwa ngokuthi yiNdodana yoPhezukoke, begodu uJehova uZimu uzomnikela isihlalo sobukhosi sakaDavida uyise, uzokuba yiKosi phezu kwesizukulwana sakaJakopo ngokungapheliko, begodu umBuswakhe angekhe uphele.”
Umsebenzi kaJesu oyihloko bekukutjhumayela ngomBuso kaZimu.
Matewu 9:35: “UJesu wakhamba woke amadorobho nezabelo, afundisa emasinagogeni, atjhumayela iindaba ezimnandi zomBuso kaZimu, alapha nayo yoke imihlobo yamalwelwe.”
UJesu wanikela abafundi bakhe isibonakaliso sokuthi abasize babone nasele umBuso kaZimu utjhidele.
Matewu 24:7: “Ngombana isitjhaba sizokulwa nesitjhaba, umbuso ulwe nombuso, kuzokuba nokutlhayela kokudla nokusikinyeka kwephasi eendaweni ngeendawo.”
Abafundi bakaJesu nje batjhumayela ngomBuso kaZimu ephasini loke.
Matewu 24:14: “Nje-ke iindaba ezimnandezi zomBuso zizokutjhunyayelwa kilo loke iphasi bona kube bufakazi kizo zoke iintjhaba, ngemva kwalokho isiphelo sizokufika.”