IBhayibhili—Linamandla Ekuphileni Kwakho

IBhayibhili irhelebhe iingidi zabantu bona zitjhugulule ukuphila kwazo. Ngiziphi ezinye iinkambisolawulo zeBhayibhili ongaziberegisa bona zikurhelebhe uqalane neemraro yanamhlanjesi? Akunakuzaza bona uzokuthabela ukufumana ipendulo yombuzo lo ngokucabangela isihloko esithi, The Bible—Its Power in Your Life, engcenyeni yesibili kweentathu efumaneka ku-DVD ethi, The Bible—A Book of Fact and Prophecy. Ngemva kokubukela i-video le, ungaphendula iimbuzo elandelako?

(1) Kubayini singatjho bona iBhayibhili akusiyincwadi nje ehle kwaphela? (Heb. 4:12) (2) Nengabe iBhayibhili ingakghona ukurhelebha abantu bona bathuthukise ukuphila kwabo, kubayini abantu baqalana neemraro eemnengi kangaka? (3) Sithini isihloko seBhayibhili? (4) Ngiziphi iincwadi zeBhayibhili okukhulunywe ngazo ku-DVD, ezingarhelebha abalingani bomtjhado (a) ekuthuthukiseni ukukhulumisana (b) nokulawula itukuthelo yabo? (5) Umbono wamaKrestu ngomtjhado ungakuthuthukisa njani ukuphila komndeni? (Efe. 5:28, 29) (6) UJehova ubabekele njani ababelethi isibonelo esihle? (Mar. 1:9-11) (7) Ababelethi bangasenza njani isifundo somndeni bona sithabise? (8) Ngaphandle kokufunda iBhayibhili khuyini okhunye iLizwi lakaZimu elikhuthaza ababelethi bona bayenzele abantwababo? (9) Isiluleko seBhayibhili singayirhelebha njani iimndeni bona iqalane nezomnotho? (10) Nesiberegiswako isilulekwesi, ngiziphi iinkambisolawulo ezingokoMtlolo ezingarhelebha ekunciphiseni iimraro yepilo, malungana nokuhlanzeka, iindakamizwa, ukusela khulu utjwala, begodu nokugandeleleka? (11) Iinthembiso zeBhayibhili zingasiqinisa njani? (Job 33:25; Rha. 145:16) (12) Iimfundiso ezise Lizwini lakaZimu zikurhelebhe njani bona uthuthuke epilwenakho? (13) Ungayiberegisa njani i-video le ekurhelebheni abanye?