The Bible—Accurate History, Reliable Prophecy

Ngibuphi ubufakazi obutjengisa bona iBhayibhili inembile ngokomlando? Ngikuphi ukuzaliseka kweemporofido zeBhayibhili okusinikela ithemba lokobana iimporofido zangomuso ngokufanako nazo zizokuzaliseka? Iimbuzo le icatjangelwe kuvidiyo ethi: The Bible—Accurate History, Reliable Prophecy, isihloko sesithathu esifumaneka ku-DVD ethi: The Bible—A Book of Fact and Prophecy. Ngemva kokubukela ividiyo le, ungakwazi ukuphendula iimbuzo elandelako?

(1) Ngubani uMthombo welwazi leBhayibhili elingathenjwa? (Dan. 2:28) (2) IBhayibhili ilihlathulula njani ngokunembileko iGibhida lekadeni, begodu isiporofido esitlolwe ku-Isaya 19:3, 4 sazaliseka njani? (3) Ukurhujululwa kwezinto zekadeni kwayiqinisekisa njani indlela iBhayibhili eliwaveza ngayo ama-Asiriya, amakhosawo nokutjhatjalaliswa kwe-Asiriya? (Nah. 3:1, 7, 13) (4) Ngiziphi iimporofido ezibandakanya iBhabhiloni ezazalisekako? (Jer. 20:4; 50:38; 51:30) (5) Ngiziphi iimporofido ezimalungana naMamede namaPheresiya ezazalisekako? (Isa. 44:28) (6) UDanyela 7:6 no 8:5, 8 wazaliseka njani malungana neGirisi? (7) UDanyela 7:7 wazaliseka njani lokha iRoma neliba mbuso wephasi? (8) Ngibaphi aboKhesari okukhulunywa ngabo eBhayibhilini? (9) Kwenzekani emaKrestwini ngaphasi kokubusa kwakaNero? (10) Iimporofido ezifumaneka kuSambulo 13:11; no 17:10 zazaliseka njani? (11) Ngubani ikosi yobunane? (12) Ngiziphi iinqephu ezisevidweni le ezitjengisa ukuba liqiniso kwakaMtjhumayeli 8:9? (13) Ngiziphi iimporofido zangomuso ozilindele ngamehlo abomvu bona zizaliseke? (14) Ungayisebenzisa njani ividiyo le ukurhelebha abanye bakholelwe bonyana iBhayibhili ivela kuZimu?