Ibhoksi Leembuzo

◼ Kuyafaneleka na bona sithandaze nengabe isifundo seBhayibhili siragwa kujanywe emnyango?

Kuneenzuzo ezinengi ekuvuleni nekupheni ngomthandazo nesiraga isifundo seBhayibhili. Ngomthandazo, sisuke sibawa umoya kaJehova bona ube nathi eenquntweni esizenzako. (Luka 11:13) Godu umthandazo usiza umuntu esifunda naye bona asiqale njengesiqakathekileko isifundo sakhe seBhayibhili, begodu kumfundisa nokobana akghone ukuthandaza. (Luka 6:40) Ngalokho, kuhle bona sithome ngomthandazo msinyana ngendlela ekungakghoneka ngayo. Nokho, njengombana ubujamo buhlukahluka, oraga isifundo kutlhogeka enze ukwahlulela okuhle ekuqunteni bona angathandaza na ajame emnyango namkha awa, nekaraga isifundo seBhayibhili.

Okhunye okuqakathekileko kucabangela indawo lapho isifundo sizokuragelwa khona. Nengabe indawo enikiyo inokuthula, kungavulwa bekuphethwe ngomthandazo omfijthani ekuragweni kwesifundweso. Nanyana kunjalo, nengabe lokho kuzokudosa amehlo wabanye namtjhana kwenze umfundi azizwe angakatjhaphuluki, kungaba ngcono ulinde bekube kulapho isifundo singaragelwa khona endaweni ethulileko. Kungakhathaliseki bona isifundo siragelwa kuphi, kufuze sahlulele kuhle ekuqunteni bona kunini lapho kufuze sithandaze khona.—Qala Ikonzwethu YoMbuso kaMatjhi 2005, ikhasi 4.