Iintjumayelo Ezizimbonelo

Ukuthoma Iimfundo ZeBhayibhili NgoMgqibelo Wokuthoma Ka-Apreli

“Ukubhabhadiswa mumukghwa ojayelekileko kumaKrestu amanengi. Ucabangani? Kghani ukubhabhadiswa kuqakathekile? [Lindela ipendulo.] Isihlokwesi sinamaphuzu akarisako.” Nikela umninimuzi ISithalasokulinda saka-Apreli 1, begodu nicabangele ndawonye isihlokwana sokuthoma esisekhasini 16 godu nifunde okunganani umtlolo munye oveziweko. Khambisa umagazini uhlele nokubuya nizokucoca ngombuzo olandelako.

ISithalasokulinda Febherbari-Apreli

“Kuneembono eemnengi ngoJesu. Abanye bacabanga bona bekanguMesiya othenjisiweko. Abanye bacabanga bekayindoda elungileko nje kwaphela. Godu abanye bakholelwa bona khange khe abe khona. Uyini umbonwakho? [Lindela ipendulo.] NgokweBhayibhili kuqakathekile ukwazi iqiniso ngaye. [Funda uJwanisi 17:3.] Umagazini lo utjengisa iimpendulo zeminye iimbuzo ejayelekileko ngoJesu.”

Phaphama! Apreli

“Ukukuvakatjhela kwethu kuyikonzo yomphakathi esiyenzela iimndeni. Uyavuma bona iimndeni namhlanjesi iqalene neentjhijilo ezinengi? [Lindela ipendulo.] Tjheja bona iimndeni eminengi izifumenephi iinluleko ezisebenzako. [Funda iRhalani 119:105.] Umagazini lo ukhuluma ngendlela isingamindeni eqalana ngayo ngokuphumelelako neentjhijilo zayo ezikhethekileko ngokulandela iinkambisolawulo zeBhayibhili.”