Iimadlana Eembili Zesimbi Zenani Elincani

Enye indlela eqakathekileko esisekela ngayo iinkareko zoMbuso kunikela ngeemali emsebenzini wokutjhumayela owenziwa ephasini mazombe. Kuthiwani nengabe asinayo imali enengi?

Kesinye isenzakalo uJesu wabona umfelokazi okhwahlileko anikela etempelini iimadlana eembili zesimbi zenani elincani. Ithando ngoJehova lamenza bona ‘ekutlhogeni kwakhe . . . akghuthulele koke anakho okufuze aphile ngakho.’ (Mar. 12:41-44) UJesu wakutjheja lokhu, atjengisa bona umnikelwakhe ulinani eliligugu emehlweni kaZimu. Ngokufanako amaKrestu wekhulu lokuthoma akhenge aqale umthwalo wokusekela ngeemali ekonzweni ube lilungelo lamaKrestu anothileko kwaphela. Umpostoli uPowula wadzubhula isibonelo sabantu beMasedoniya, naphezu ‘kokutlhaga obekubaphetheko . . . basirabhela khulu bona nabo bavunyelwe ukufaka isandla.’—2 Kor. 8:1-4.

Ngalokho, nesingakghona ukunikela “iimadlana eembili zesimbi zenani elincani,” kufuze sikhumbule bona iimnikelo emncani ingangezelela ibe yimali enengi. Ukunikela kwethu ngokusuka ehliziyweni kuzokuthabisa uBabethu wezulwini onesandla esivulekileko, ngombana “uZimu uthanda umuntu onikela ngehliziyo emhlophe twa.”—2 Kor. 9:7.