IinTjumayelo EzizimBonelo

UkuThoma IimFundo ZeBhayibhili NgoMgqibelo WokuThoma KaFebherbari

“Singathanda ukuzwa umbonwakho. Ucabanga bona kuqakathekile na ukusebenzisa ibizo lakaZimu? [Lindela ipendulo.] Tjheja lokho esikufunda la.” Mtjengise isihloko esingemuva seSithalasokulinda sakaJanabari-Febherbari begodu nicoce ngesigaba sesibili nomtlolo oveziweko. Khambisa abomagazini, begodu uhlele nokubuya nizokucoca ngombuzo olandelako.

ISithalasokulinda Janabari-Febherbari

“Abantu abanengi bakholelwa bona amezwi athi “ukuphela kwephasi” aqalisele ekuhlongakaleni komuntu. Ucabangani? [Lindela ipendulo.] IBhayibhili itjengisa bona ukuphela kwephasi akusikuhlongakala komuntu, kodwana sikhathi lapho uZimu azokususa khona boke ubumbi ephasini. [Funda iRhalani 37:9.] Umagazini lo utjengisa lokho iBhayibhili ekutjhoko ngokuphela kwephasi.”

Phaphama! Febherbari

“Sekuyinto ejwayelekileko amalanga la bona abantu bafudukele kezinye iinarha bayokufuna ukuphila okungcono. Ucabanga bona bahlala bakufumana lokho abakufunako? [Lindela ipendulo.] Ukufudukela kenye inarha akusiyinto etja. Tjheja isibonelo nasi esisifumana encwadini yokuthoma yeBhayibhili. [Funda uGenesisi 46:5, 6.] Umagazini lo ukhuluma ngemibuzo nasi.” Tjengisa umninimuzi imibuzo esekugcineni kwekhasi 6.