Iintjumayelo Ezizimbonelo
Ukuthoma Iimfundo ZeBhayibheli NgoMgqibelo Wokuthoma KaJulayi
“Pheze woke umuntu esikhuluma naye ufisa bona kube nokuthula ephasini. Nanyana kunjalo, kusese nezipi. Ngokucabanga kwakho, kubayini kubudisi kangaka bona kube nokuthula ephasini?” Lindela ipendulo. Ngemva kwalokho, iya ekhasini 16 kuSithalasokulinda sakaJulayi-Arhostosi, bese nicoca ndawonye ngendaba engaphasi kwesihlokwana sokuthoma begodu nifunde okunganani munye wemitlolo ekhonjiweko. Mkhambisele abomagazini, begodu uhlele nokubuya nizokucoca ngombuzo olandelako.
Okufuze kutjhejwe: Umboniso lo kufuze wenziwe hlangana nomhlangano wekonzo kaJulayi 6.
ISithalasokulinda Julayi-Arhostosi
“Sinivakatjhele isikhathi esincani emphakathini wenu bona sikhulume ngomraro ovamileko. Ngezinye iinkhathi abantu abanengi baqalana nebandlululo. Ucabanga bona kunendawo ephasineli enganalo ibandlululo? [Lindela ipendulo.] Tjheja indlela uZimu aqala ngayo boke abantu. [Funda IzEnzo 10:34.] Umagazini lo uhlathulula indlela uZimu azokuphelisa ngayo ibandlululo unomphela.”
Phaphama! Julayi
“Sivakatjhela abomakhelwana bethu bona sicoce nabo ngomraro ogandelelako—ukungabi nobulungiswa. Abanye abantu balwela ukungabi nobulungiswa ngokutjhagala. Ucabanga bona abantu abatjhagalako bayaphumelela ekuletheni amatjhuguluko? [Lindela ipendulo.] Tjheja bona iBhayibheli ithini ngokuletha amatjhuguluko wamambala ephasini. [Funda uMatewu 6:9, 10.] Umagazini lo uphendula umbuzo othi, Kghani ukutjhagala kusisombululo?”
IiNdaba EziMnandi EziVela KuZimu!
“Sivakatjhela imindeni yendawo le bona sicoce nayo ngesikhuthazo esivela eBhayibhelini. Abanengi esicoce nabo bayazibuza bona kubayini uZimu onethando angavumela ukutlhaga okungaka ephasini. Ucabanga bona ukutlhaga gade kuyingcenye yomnqopho kaZimu wokuthoma ngephasi?” Lindela ipendulo. Ngemva kwalokho vula isiFundo 5, bese nifunda begodu nicoce ngeengaba eembili zokuthoma nemitlolo etlolwe ngokutjhigamileko. Mkhambisele incwajana, begodu uhlele nokubuya ukuzokucoca ngombuzo olandelako otlolwe ngamagama abonakalako.