Iintjumayelo Ezizimbonelo
Ukuthoma Iimfundo ZeBhayibheli NgoMgqibelo Wokuthoma Ka-Arhostosi
“Abantu abanengi esikhuluma nabo bangakuthabela ukubona ukupheliswa kwepi nomtlhago. Ucabanga bona ukhona umuntu ongaletha ukuthula ephasini?” Lindela ipendulo. Mtjengise ikhasi 15 le-Sithalasokulinda sakaJulayi-Arhostosi, bese nicoca ndawonye ngendaba engaphasi kwesihlokwana sesibili begodu nifunde okunganani munye wemitlolo ekhonjiweko. Mkhambisele abomagazini, begodu uhlele nokubuya.
Okufuze kutjhejwe: Umboniso lo kufuze wenziwe hlangana nomhlangano wekonzo ka-Arhostosi 3.
ISithalasokulinda Julayi-Arhostosi
“Ngingathabela ukukutjengisa isithombe esisesigubuzesweni sakamagazini lo. Khuyini oyibonako esithombenesi engakajayeleki emphakathini wethu? [Lindela ipendulo.] Ubunye behlanga yinto eqakatheke khulu kuZimu. Ngingakuthabela ukukutjengisa indlela uZimu aqala ngayo abantu beentjhaba ezihlukahlukeneko. [Funda IzEnzo 10:34.] Umagazini lo utjengisa bona kubayini kunebandlululo, begodu khuyini okufuze siyenze bona silingise ukungakhethi kwakaZimu.”
Phaphama! Arhostosi
“Inengi lethu lifuna ukuphila isikhathi eside ngendlela elingakghona ngayo. Ucabanga bona ituthuko yesayensi ngelinye ilanga ingenza bonyana kukghoneke siphile ngokungapheliko? [Lindela ipendulo.] Tjheja isithembiso esikarisakwesi. [Funda 1 Korinte 15:26.] Kodwana uZimu uzokwenza njani lokhu—ngesayensi nofana ngezinye iindlela? Kubayini siluphala nje begodu sifa? Umagazini lo utjengisa indlela iBhayibheli eliphendula ngayo imibuzo le.”