Ungamema Omunye?

Emabandleni amanengi kunabarhuweleli abahlanganyela ekonzweni abakghona ukwenza okuncani ngebanga lemiraro yokugula okungumahlalakhona nofana yokuluphala. (2 Kor. 4:16) Ungakghona na ukumema abanjalo bona bakhambe nawe esifundweni sakho seBhayibheli? Nengabe umrhuweleli akakghoni ukukhamba, mhlamunye ungaraga isifundo emzinakhe. Ungakghona na ngezinye iinkhathi ukwenza amalungiselelo bona ukhambe nomrhuweleli obuthakathaka emizini embalwa ekonzweni yomuzi nomuzi namtjhana emabuyelweni? Abarhuweleli abanengi abalupheleko banokuhlangabezanwe nakho okunengi ekonzweni. Ngalokho, imizamwakho angekhe iphumelele kwaphela ekubakhuthazeni. Nawe uzokuzuza. (Rom. 1:12) Ngaphezu kwalokho, imizamwakho yokutjengisa ithando ngendlela le izokuvuzwa nguJehova.​—IzA. 19:17; 1 Jwa. 3:17, 18.