Ibhoksi Lemibuzo

◼ Umrhuweleli omsikazi kufuze athwale na nekakhamba nomrhuweleli omduna nekaraga isifundo seBhayibheli kujanywe emnyango?

Umrhuweleli omsikazi nekaraga isifundo seBhayibheli saqobe, esihleliweko umrhuweleli womBuso omduna akhona, kufuze athwale. (1 Kor. 11:3-10) ISithalasokulinda sakaJulayi 15, 2002, ikhasi 27, sihlathulula sithi: “Le yikambiso ehlelwe kusesengaphambili yokufundisa, lapho oraga isifundo angamela khona. Ebujamwenobu, isifundo sifana nesebandla. Nengabe uFakazi omsikazi obhabhadisiweko uraga isifundo esinjalo kukhona uFakazi omduna obhabhadisiweko, kuyafaneleka bona athwale.” Lokhu kuliqiniso kungakhathaliseki bona isifundo siragelwa ekhaya, emnyango nofana kezinye iindawo.

Ngakelinye ihlangothi, nengabe isifundo seBhayibheli esibanjwa kujanywe emnyango asikathonywa, udade akutlhogeki bona athwale umrhuweleli womBuso omduna akhona, ngitjho nanyana umnqopho wokubuyela kukuthomisa isifundo seBhayibheli namtjhana ukufunda indaba ekenye yeencwadi ekukhuthazwa bona zifundwe. Njengombana iimfundo ezibanjelwa emnyango kanengi zenzeka kancani kancani, ngokubuyela kanengi, abarhuweleli kuzokutlhogeka bacabangele ubujamo begodu basebenzise ukwahlulela okuhle bona kunini lapho kufuze kuthwalwe khona.