Ukuthuthukisa Amakghonwethu Ekonzweni—Ukusabela Kilabo Abafuna Ukuvimba Ingcoco

Okwenza Kuqakatheke: Akhe sithi uyazi bona ihlekelele engokwemvelo isemnyango. Abantu bazokufa nebangabalekeli lapho kuphephe khona. Ngemva kwalokho, uya kumakhelwana bona umyelelise, kodwana uyakuvimba, athi umajadu. Ngokuqinisekileko, angekhe urhabele ukulisa imizamwakho yokumsiza! Abanengi esiminethu bayasiqotjha, bangalemuki ukuqakatheka komlayezwethu osindisa ukuphila. Ngesikhathi esibavakatjhela ngaso, mhlamunye bamajadu. (Mat. 24:37-39) Nofana kungenzeka bagandelelwa yizwangobatjho engasiliqiniso. (Mat. 11:18, 19) Bangacabanga bona asikahluki kwezinye iinkolo ezikhiqiza iinthelo ezimbi. (2 Pit. 2:1, 2) Nengabe ekuthomeni umninimuzi akanakareko, akukafuzi silahle itewu msinyana.