Indlela Yokusiza Labo Abangakwazi Ukufunda Kuhle

1. Ukubafundisa iBhayibheli abangakghoni ukufunda kungaba nasiphi isitjhijilo?

¹ Abaninimuzi abangakghoni ukufunda bangaba nekareko eentweni ezingokomoya, kodwana babenamahloni nekuziwa ekufundeni iBhayibheli nezinye iincwadi. Ukunikela abantu abanjalo incwadi ethi Okufundiswa YiBhayibhili, pheze ekukhambeleni kokuthoma, kungenzeka kube nepumelelo encani. Singabasiza njani ngokomoya? Sibuze abarhuweleli abanokuhlangabezanwe nakho abavela eendaweni ezihlukahlukeneko ezingaphezu kwa-20 bona benzani bona. Iimphakamiso zabo zingenzasi.

2. Ngimaphi amathulusu aphumelelako ekusizeni umuntu ongakwazi ukufunda?

² Nengabe umfundi akakwazi ukufunda, ungamthoma ngencwajana ethi Listen to God namtjhana ethi Lalela UZimu Uphile Ngokungapheliko. Elinye iphayona le-United States lithi likhombisa umuntu zombili iincwajanezi bese liyambuza bonyana ngiyiphi angayithabela khulu. I-ofisi legatja leKenya libika bona amathulusu la ayaphumelela endaweni le ngombana emphakathini we-Afrika, abantu bakhona basesengebesikhethu bafundiswa ngokucocelwa istori kunokobana kube nengcoco yeembuzo neempendulo. Umuntu ofundileko kungaba lula ngaye ukufunda nokubuzwa imibuzo, kodwana indlela leyo ingenza umuntu ongakafundi kangako angatjhaphuluki. Nengabe umfundi akakwazi ukufunda, abarhuweleli abanengi bathanda ukumthoma ngeencwajana ezinjengalezi, Iindaba Ezimnandi Ezivela KuZimu!, Ungaba Mngani KaZimu!, namtjhana Incwadami Yeendaba ZeBhayibhili.

3. Ngiliphi ilemuko malungana nalabo abangakghoni ukufunda elingasisiza siphumelele ekubafundiseni?

³ Mbuke: Labo abangakwazi ukufunda bangazizwa baneenhloni, begodu bangazuzisi. Ukubasiza bona batjhaphuluke kanengi kuligadango lokuthoma lokubafundisa iqiniso. Abantu abanengi abangakwazi ukufunda bakhaliphile begodu bangakghona ukufunda. Bahloniphe ngokudephileko begodu ubaphathe ngesithunzi. (1 Pit. 3:15) Bazokutjhukumiseleka bona baragele phambili bafunda nengabe bayabona bonyana imizamwabo iqakathekile nokuthi benza ituthuko engokomoya. Ngalokho babuke khulu.

4. Singabakhuthaza njani labo abangakwazi ukufunda bona balungiselele enizokufunda ngakho?

⁴ Ngitjho nanyana umuntu ofunda naye angakwazi ukufunda kuhle, mkhuthaze alungiselele enizokufunda ngakho. Abanye abarhuweleli beSewula Afrika bakhuthaza abantu abafunda nabo bona babuze amalunga womndeni namtjhana umngani okghona ukufunda kuhle bona asize abafundi. Umrhuweleli othileko eBrithani utjhukumisa abantu afunda nabo bona balungiselele ngokubavumela bona basebenzise incwadakhe nekufundwa iingaba ezimbalwa ukwenzela bona bakghone ukubona indlela okulula ngayo ukufumana iimpendulo nezithalelweko. Omunye umzalwana e-India ukhuthaza abantu afunda nabo bona baqale iinthombe zesifundo sangeveke elandelako begodu bacabange ngazo kusesengaphambili.

5. Singasitjengisa njani isineke lokha nesiraga isifundo?

⁵ Yiba Nesineke: Kungakhathaliseki bona nisebenzisa yiphi incwadi, dzimelela emaphuzwini ayihloko, begodu usize umuntu ofunda naye bona awazwisise kuhle. Ekuthomeni, ukuba nengcoco yemizuzu eli-10 kuya kweli-15 kungaba lisizo khulu. Ungalingi ukuhlanganisa indaba enengi, mhlamunye ningenza iingaba ezimbalwa kwaphela isifundo ngasinye. Yiba nesineke nawufunda nomuntu ofunda kabuthaka. Uzokutjhukumiseleka bona athuthukise ikghono lakhe lokufunda njengombana athoma ukuthanda uJehova. Bona usize umuntu ofunda naye bonyana enze njalo, kuhle ukummemela esifundweni zisuka.

6. Singabasiza njani abantu bona bafunde?

⁶ Abafundi beBhayibheli nebafunda ukufunda, bazokwenza ituthuko engokomoya msinyana. (Rhu. 1:1-3) Abanengi basize abantu abafunda nabo ngokusebenzisa incwadi ethi Apply Yourself to Reading and Writing imizuzwana embalwa ngemva kokuqeda isifundo ngasinye. Nengabe umuntu ofunda naye uyadana, ungamqinisa ubuyise ukuzithemba kwakhe ngokukhuluma okuhle afunde ukukwenza. Mqinisekise bona uJehova uzoyibusisa imizamwakho, begodu mkhuthaze bona athandaze abawe isizo. (IzA. 16:3; 1 Jwa. 5:14, 15) Abanye abarhuweleli eBrithani bakhuthaze abantu abafunda nabo bona bazibekele iminqopho efikelelekako—mhlamunye bathome babambe abongwaqa nabokamisa, bese bafune begodu bafunde iinthombe ezikhethiweko, ekugcineni bafunde iincwadi ezisekelwe eBhayibhelini ezilula. Ukusiza abantu bona bafunde indlela yokufunda kanengi kuhlanganisa nokubakhuthaza bonyana bafune ukukwazi, ingasi ukubafundisa bona benze njani kwaphela.

7. Kubayini kungakafuzi sizibambe ekukhulumeni iqiniso kulabo abangakwazi ukufunda?

⁷ UJehova akabaqaleli phasi labo abanefundo encani. (Job. 34:19) UJehova uhlola ihliziyo yomuntu. (1 Kron. 28:9) Ngalokho ungazibambi ekukhulumeni iqiniso nalabo abangakwazi ukufunda kuhle. Unamathulusu amanengi aphumelelako ongathoma ukuwasebenzisa. Ekugcineni, ungadlulisela isifundo senu encwadini ethi Okufundiswa YiBhayibhili umnikele ilwazi elizeleko lemiTlolo.