Iintjumayelo Ezizimbonelo

Singazifumanaphi Iimpendulo Zemibuzo Eqakatheke Khulu Epilweni?

Nikela umninimuzi iphetjhana ngendlela yokobana akwazi ukubona isihloko salo bese uthi: “Lotjhani. Sisejimeni lephasi loke lokurhatjha iphetjhaneli elinomlayezo oqakathekileko. Nanti lakho.”

Nengabe utjhiya iphetjhana emizini enganabantu, ungalibeki epepeneneni begodu ungaligoqi ngokungatlhogeki.

Nengabe umninimuzi unekareko namkha unesifiso sokucoca, ungabawa umbonwakhe malungana nombuzo okhamba neempendulo angakhetha kizo osekhasini eliphambili. Vula iphetjhana umtjengise ukuthi IRhubo 119:144, 160 lithini. Hlathulula bona iphetjhaneli linemininingwana yeZinzolwazi engabasiza bafumane iimpendulo ezanelisako eBhayibhelini. Mhlamunye ungamenzela isibonelo ngokumdlalela ividiyo ethi Kubayini Kufuze Ufunde IBhayibheli? Ngaphambi kobana ukhambe, mtjengise imibuzo emithathu engemva kwephetjhana bese umbuza ukuthi ngimuphi anekareko kiwo. Bawa ukubuya uzomtjengisa bona angayifumana njani ipendulo yeBhayibheli yombuzo loyo ngokusebenzisa i-jw.org. Newubuyako, coca ngombuzo loyo ngokuqala ekhasini elithi IINCWADI > IINCWADI NEENCWAJANA. BIBLE QUESTIONS ANSWERED.

Nengabe nikhambisa neememo zomhlangano wesifunda, nikela umninimuzi isimemo ngesikhathi omnikela ngaso iphetjhana bese ungangezelela uthi, “Ngaphezu kwalokho, sikunikela nesimemo somhlangano ozako okumenywa kiwo woke umuntu begodu kungenwa simahla.”

IsiThala Julayi–Arhostosi 

Ngeempelaveke nekufanelekako, ungatjho okulandelako bona ukhambise IsiThala: “Singathabela nokukunikela abomagazini bethu banje. Umagazini wesiThala lo ukhuluma ngombono kaZimu ngokubhema.”

Phaphama! Arhostosi

Ngeempelaveke nekufanelekako, ungatjho okulandelako bona ukhambise IPhaphama!: “Singathanda nokukunikela abomagazini bethu banje. IPhaphama! le iphendula umbuzo othi, Abantu bangakwenza njani ukuthula?”