Ukuthuthukisa Amakghonwethu Ekonzweni—Ngokutjhumayela Esimini Yamabhizinisi

Okwenza Kuqakatheke: Njengombana abantu abanengi basebenza ama-awara amanengi, kanengi indlela ehle khulu esingabafikelela ngayo ngomlayezo womBuso kutjhumayela eendaweni abasebenzela kizo. Ukutjhumayela esimini yamabhizinisi kumnandi begodu kuyaphumelela, ngebanga lokuthi basuke bangekho abantu emakhaya neensebenzi zivame ukubaphatha kuhle abantu abazokuthenga. Bona abarhuweleli baphumelele kufuze basebenzise ukwahlulela okuhle bebabe ziimbonelo endleleni yokumbatha nokuzilungisa. (2 Kor. 6:3) Yeke, umbonisi wekonzo kufuze atjhejisise ukuthi isetjenzwa kangangani isimu yamabhizinisi nokuthi bobani abayisebenzako.