Nawuzakuba Nekghono Lokufundisa Kufuze Ulungiselele

UJesu wabuzwa umbuzo ofanako ngokuphila okungapheliko okunganani ezenzakalweni ezimbili, kodwana isikhathi ngasinye ipendulwakhe beyivumelana nomuntu obuzako. (Luk. 10:25-28; 18:18-20) Yeke, nanyana siyazi kuhle incwadi esiraga ngayo isifundo seBhayibheli, kufuze siyilungiselele kusesengaphambili sicabanga ngomfundi. Ngimaphi amaphuzu angawafumana kubudisi ukuwazwisisa nofana ukuwamukela? Ngimiphi imitlolo edzujuliweko okufuze siyifunde naye? Ingangani indaba okufuze silinge ukuyifunda? Kungatlhogeka ukuthi silungiselele umfanekiso, ihlathululo, nofana imibuzo emlandelande ukusiza umfundi azwisise lokho okutjhiwoko. Ngaphezu kwalokho, njengombana kunguJehova owenza imbewu yeqiniso ikhule ehliziyweni, kufuze sibawe isibusiso sakaJehova nasilungiselelako, abusise umuntu esifunda naye iBhayibheli nemizamo yokumsiza ukuthi afunde ngoZimu.​—1 Kor. 3:6; Jak. 1:5.